謝安琪-min

由 謝安琪 疫苗論事件睇左膠

謝安琪 私底下錄音講疫苗嘅聲帶流出,佢嘅客仔英國葛蘭素史克藥廠(GSK)固然多得佢唔少,而大家亦突然間發覺,點解已經有大學學歷,相對有腦嘅 謝安琪 ,都可以對疫苗嘅安全性無知到呢個得人驚嘅程度。其實呢個唔只係香港問題,係左膠嘅問題。

左膠 疫苗 謝安琪

喺德國同美國,有班友唔俾細路打疫苗,持嘅論調同 謝安琪 講嘅好似,德國有班友仲有上街抗議,結果ZDF Heute-show故意搵人搵啲膠問題訪問佢地,臨尾個記者仲要扮打乞嚏,成手都係飛沫同受訪班膠人握手,仲要臨尾祝佢好健康。當玩膠節目都要攞呢班友嚟恥笑果陣,你就知呢班膠人喺西方社會根本上都有一堆,有時候,無知同迷信至係公共衛生嘅最大威脅。

其實點解會出現呢種情況,因為左膠成日覺得呢個世界都係資本家嘅陰謀,認為一街都係鄭子誠,當佢地係咁睇世界果陣,就唔會認真、科學咁看待疫苗,更唔好要佢地去用醫學界一樣用「兩害取其輕」原則睇問題,喺醫學嚟講,只要好處大於壞處,而且相關壞處唔會致命或高風險,就可以去馬。好似疫苗成份,有雞蛋嘅「殘餘」可能對雞蛋敏感嘅人不利,有啲疫苗用嘅防腐劑Thiomersal有少量水銀,但係人體可以代謝嘅水銀化合物,唔會留喺人體,更唔好講致命,但可以確保疫苗唔會變成真菌感染嘅來源,呢個情況下,就係安全。

當然,其實疫苗安唔安全,係有功課可以做,只不過香港政府班茂利懶,如果香港政府同藥房將成份表擺上網,立即消滅流言,好似英國咁,英國依家打嘅四價疫苗,如果係GSK嘅,成份表在此

https://www.medicines.org.uk/emc/medicine/27537

Sodium chloride, disodium phosphate dodecahydrate, potassium dihydrogen phosphate, potassium chloride, magnesium chloride hexahydrate, α-tocopheryl hydrogen succinate, polysorbate 80, octoxinol 10 and water for injections.

當然化學成分詳細特性,可以搵呢方面專家作答,但睇唔到有Thiomersal,雖然Thiomersal其實都好安全。

另一方面,郭榮鏗(公民黨,法律界功能組別)喺2016年有做功課,入咗立法會Q問

http://www.info.gov.hk/gia/general/201604/20/P201604200660.htm

實際上,有Thiomersal疫苗情況係咁嘅

現時,政府為香港兒童免疫接種計劃採購的七種疫苗(即(i)卡介苗;(ii)乙型肝炎疫苗;(iii)白喉、破傷風、無細胞型百日咳及滅活小兒麻痺混合疫苗(DTaP-IPV);(iv)白喉(減量)、破傷風、無細胞型百日咳(減量)及滅活小兒麻痺混合疫苗-加強劑(dTap-IPV);(v)肺炎球菌疫苗(13價);(vi)麻疹、流行性腮腺炎及德國麻疹混合疫苗;及(vii)水痘疫苗)合共涉及十款註冊藥劑製品。這十款註冊疫苗全部不含硫柳汞(即thiomersal,屬一款含水銀的防腐劑)。在兒童接種疫苗之前,醫護人員亦需要向家長/監護人或代表解釋,並取得同意後才可進行接種。

  由於有部分兒童可能因為對4-合-1(DTaP-IPV或dTap-IPV)混合疫苗中的無細胞型百日咳成分產生不良反應而出現禁忌情況,政府會分別提供白喉/破傷風疫苗或白喉(減量)/破傷風疫苗,及小兒麻痺病毒疫苗給有關兒童。該兩款白喉/破傷風疫苗和白喉(減量)/破傷風疫苗均含硫柳汞,其含量均為每0.5毫升不超過50微克,而現時香港並沒有不含硫柳汞的相關替代註冊疫苗。

當時仲係高永文醫生做局長。

我諗呢件事話俾大家聽,好多時道聽塗說可以害死自己同下一代,左膠式嘅陰謀論都係,我自己賣護膚嘢都好,用都好,都會睇晒所有成份,如果你有呢個習慣,你就知邊啲嘢堅有害,邊啲嘢唔係。

2 thoughts on “由 謝安琪 疫苗論事件睇左膠

  1. 我同意呢類風潮係關左膠事,不過都唔使恥笑得太勁,別忘記右膠一樣大把人係咁諗。香港有陳雲既「右翼科學」,美國都有成班右傾既侵侵支持者係咁(侵侵個助理岩岩先講完信耶穌防流感)。

  2. 「其實呢個唔只係香港問題,係左膠嘅問題。」
    反疫苗不是什麼新事物,部份原因是那些人不信任西方醫學。

發表迴響

你的電子郵件位址並不會被公開。 必要欄位標記為 *