流感-min

防止香港被 流感 衝擊應考慮拒絕中國人入境

流感 衝擊香港,政府終於意識到呢個世界唔係乜都用錢解決到,決定幼稚園、小學提早放農曆新年假,雖然香港家長叫苦連天,但呢個決定我認為係必須,因為依家 流感 病毒係比想像猛,而且仲唔知會有乜變種出現,控制傳染係首要。

防範 流感 最有效係拒絕中國人入境

但如果講真,為保障公共安全,除咗政府應盡全力搜購疫苗外,就係拒絕 中國人 入境,由中國返嚟嘅香港人都必須隔離,咁樣至可以令香港唔會喺農曆新年期間疫情持續惡化,甚至將疫情帶到其他國家。

先講果啲搶疫苗打嘅中國人,呢啲medical tourist,如果係會有損香港公共衛生,已經有充足理由唔俾佢地入境,香港政府依家擺明係中國殖民政府,對香港人嘅死活袖手旁觀。更何況有部分中國人竟然帶住 流感 嚟香港求醫,即係將病毒帶到香港,呢個有無搞錯,但政府從來無譴責呢種作為,食衛局局長陳肇始直頭潛埋水添。依家亦反映咗,陳肇始嘅任命係一個錯誤嚟,食衛局呢類涉及防疫嘅重大職位,由一個醫生領軍係有理由,呢個係專業知識範疇問題,林鄭月娥堅持亂嚟,如果香港有乜冬瓜豆腐,三長兩短,我認為絕對可以入晒林鄭月娥數。

而且中國一直都係流感病毒嘅來源,包括1918年死人無數嘅歐洲大流感,唔好似為流感只會對付老人家同兒童,1918年果次死得最多係青壯年,因為病毒變種,受感染嘅人因細胞因子風暴而重創,亦即係H5N1同SARS嘅致死原因,基本上都係一樣。我唔知你中國呢啲咁恐怖嘅衛生環境,會唔會搞出一隻變種會搞出細胞因子風暴,屆時就堅係死得人多。所以唔准中國人入境香港,係一個有效方法嚟,或者我講法十分之激進,但有啲時候,非常時期確係要用非常辦法。

仲有,我認為果啲叫人唔好打疫苗嘅左膠,唔該佢地收聲,呢啲疫苗有毒論嘅友仔,根本係對公共衛生構成實質威脅,我唔想立法對付呢啲膠人,但如果呢啲膠人真係會構成流行病學威脅嘅話﹐因呢啲古怪理論唔俾子女打疫苗嘅家長,我認為可以用懲治虐兒嘅法律嚟處理,呢啲友仔同天寒地凍唔俾子女足夠衣物嘅變態家長有乜分別,你話俾我聽。

One thought on “防止香港被 流感 衝擊應考慮拒絕中國人入境

發表迴響

你的電子郵件位址並不會被公開。 必要欄位標記為 *