陳澍-min

台灣政府應禁止 陳澍 入境

相信我嘅讀者,都有舉報五毛失敗嘅經驗,或者遇到五毛講乜都得,但你自己講吓就被人封戶口嘅情況。而依家台灣科技人陳志銘,直指依家Facebook投共政策,同Facebook台灣同香港公共事務總監 陳澍 有關。 陳澍 呢條友係中國嚟,甚至我有理由懷疑佢係中國共產黨黨員。

陳澍 呢個人入唔到台灣境就迫佢離開Facebook

我自己喺 Facebook 被封經驗比較少,因為我個Facebook 專頁,本來攞藍剔果陣就係用英國人身份攞,但後來有時五毛都搞到我頭上,喺去年6月我開始行駛2004/38/EC權利後,陸續將 Facebook 收廣告錢、俾廣告錢、手機等戶口搬到德國,甚至將我喺德國嘅個人VAT ID都登記埋,我成個人嘅戶口受歐洲法律保護,基本上 Facebook 唔當我係香港戶口,甚至有部分安排已經跟隨歐洲戶口行事,例如 Page Management係用 Business Manager,基本上無法封我個人戶口嚟叫我收聲㗎喇,因為依家黃世澤個Page係一間「公司」嚟,係咁樣解決問題。

但 Facebook 大中華由 陳澍 嚟管係另一樣嘢,我依家至知呢條友正正係「鼎鼎大名」嘅滬港小生,一個咁敵視香港同台灣嘅人,搵佢做Facebook香港及台灣公共事務總監,唔怪得香港咁多account陣亡,啲五毛可以日日講啲種族歧視嘢,亂咁侵犯版權都可以無事喇,當然,好似我咁搬戶口過歐洲,不單做法消極,而且唔係個個可以咁做。同埋咁做都代價唔細,好似我咁,係變咗我website同Facebook營運全部都係要俾德國稅、歐洲VAT咁樣去。我啱啱係英國公民,兼且住喺德國,如果你根本無歐洲護照,好似俾果啲蠢家長累街坊,無攞BNO果啲人,就完全無計。

所以對付 陳澍 呢啲人,依家唯有靠台灣政府,我呼籲台灣政府以台灣言論自由同國家安全著想,唔好再俾 陳澍 入境,Facebook香港及台灣嘅總監必須係一個擁護自由嘅人,我唔介意英國或美國洋人,但一定唔可以係中國人。如果 Facebook 唔改,咁我真係唯有指導香港人搬晒戶口入歐盟,屆時我睇你Facebook亂封人果陣,會唔會被歐盟罰到腳軟。

One thought on “台灣政府應禁止 陳澍 入境

  1. 其實Facebook在中國、香港、台灣,大中華的官方名稱,都是Facebook,而不是臉書,曾於Facebook有辦公室時服務該公司的公關代理公司職員。

發表迴響

你的電子郵件位址並不會被公開。 必要欄位標記為 *