沈判日-min

樓市 沈判日 快到?

沈判日 可能講大家最興講嘅詞語,呢句嘢語帶雙關,除咗代表有燈神之神嘅沈振盈預言罕見中咗之外,仲有 judgement day嘅意思,究竟呢個市係調整,定係真係 沈判日 ,其實由銀主盤嘅拍賣已經知道乜事,無人承接梗係有原因。

樓市 沈判日 將到?

銀主盤未必個個買得起,但一般嚟講,銀主盤拍賣買返嚟嘅嘢,如果資金能力許可係平一啲,因為銀主盤嘅業權限制比較多,亦甚少可以再俾你攞按揭,所以一般銀主盤會低於市價少少定價拍賣。其實近半年已經多咗銀主盤,因為中國啲人借完錢走佬,咁走佬就要按金管局規例拍賣抵押品追回損失,呢個係好天公地道嘅事。只不過,過往銀主盤都多少有人承接,依家係一口都無人承,拍賣行食白果收場,大家點睇個市好清楚。

大家要留意,前日嘅大重創其實係死傷好慘重,以中國人喺香港嘅炒樓手法,用盡晒所有槓桿搏到盡,隨時一張期指合約嘅損失以十萬計,仲未計孖展、窩輪、Option呢啲工具倍大咗嘅損失,隨時農曆新年之後一街都係銀主盤,你覺得你會咁傻仔依家喺拍賣行承價買銀主盤嗎?當大量抵押品被銀行沽出街果陣,市場供應突然暴增,再加上美國加息等問題,屆時樓市真係唔慌唔 沈判日 。仲未計依家流感疫潮,流感搞到停課大家都知有幾大鑊,歷史上流感殺傷力係勁過沙士,上世紀一次大戰結束,都係嚟自中國嘅流感傳入歐洲後變種搞出嚟,你覺得香港咁近中國唔會有事?中國好多流行病問題都係唔透明,唔清唔楚,咁多中國家長嚟香港搶流感針,其實已經話俾聽答案係乜。

所以我睇,樓市 沈判日 可能好快到,而呢個連鎖反應好得人驚,因為股市導致大量抵押品被沽出,跟住樓市下跌搞出負資產,再因為call loan,加息等問題搞出更多抵押品流出市場,跟住惡性循環,而且香港同中國啲銀行放咁多數俾中國,大家諗吓香港銀行系統穩健程度,依家金管局如果唔係被人迫得太緊,唔會無啦啦拋出虛擬銀行牌諮詢文件,呢樣嘢一早喺德國同英國搞到一街都係,而且金管局依家葫蘆裡賣乜藥根本無人知。總之大家睇路就係。

發表迴響

你的電子郵件位址並不會被公開。 必要欄位標記為 *