海航-min

海航 成為支爆導火線?

雖然美國杜指升番五百幾點,只不過你認為股災過咗,朋友,咁你太天真嘞,因為真正嘅炸彈仍然喺中國呢個國家, 海航 有一筆十七億人仔嘅債務有可能找唔到數,雖然 海航 仲話自己係有能力找數嘅,隨時會引發連鎖反應,農曆新年前後嘅中國同香港經濟都係有得震無得瞓。

海航 變支爆導火線

海航 並唔係一般嘅公司,佢係一間聲稱有國開行credit line嘅公司,好多人話中國政府印銀紙,如果好容易印銀紙就唔會 海航 缺水缺到中信幫佢發行嘅債務要走數咁大鑊。而且依家 海航 可能走嘅數,並唔係一般嘅數,係中信信托負責管理嘅房地產信托,中信唔係一般嘅公司,佢都係一間中央級嘅國企,中信如果咁都救唔到佢,咁唔係 海航 自己缺水咁簡單,係唔係中國嘅資本帳出現問題,所以 海航 搞成咁,中國一個又一個重量級國企都無法救到佢。大家要知道,有啲國企礙於任務需要,係絕對唔可以出手救 海航 ,例如中國銀行,因為中國銀行係中國金融嘅最關鍵窗口,連佢都死埋就堅係天下大亂,跳海都唔掂。

所以 海航 嘅去向十分值得關注,依家唔係一間普通航空公司有問題,而且中國國有資本究竟有幾多實力嘅問題,好似中信泰富炒燶咗I kill you later,但都無事嘅,因為當時中國有足夠資本填番個氹,榮家一定係膠咗,但至少唔會搞到大崩潰,最多係中信系股份搞到大重組,呢個係承擔得起嘅後果,但依家 海航 系嘅債務,係賣晒成個海南島都唔可能填得到,如果連中國政府自己都唔夠cash填,咁如果我係外國果啲狙擊手,一定準備彈藥狙擊香港、中國股市,甚至人民幣同港幣匯價,屆時點只跌成千六點咁簡單,係身家蒸發都似。由 海航 搞到一鑊泡嘅情況話俾大家聽,中國依家金融界班友嘅水平,係連日本泡沫經濟爆破前果班友都不如,中國唔係以為一個任志剛可以幫佢地操盤擋住件事。1998年香港官鱷之戰,任志剛都只係操作果個,真係幕後做到決定,係曾蔭權爵士同許仕仁,但依家梁振英迫害到佢地兩個成咁,你仲想佢地出山救中國。有時支爆,堅係中共自己攞嚟衰。

One thought on “海航 成為支爆導火線?

發表迴響

你的電子郵件位址並不會被公開。 必要欄位標記為 *