香港親英派加入 英國政黨 係保護自己權益嘅王道

一直以嚟,我好少show自己嘅政黨身份,特別係黨證,只不過,有啲如貝加爾之流,同埋一啲聲稱係葡籍人士嘅五毛,係咁話英國人對香港政治無興趣,呢啲表現無知嘅五毛言論我好覺得好飽,我認為香港人係時候加入 英國政黨 為自己為英國做番啲嘢,所以我決定show我嘅保守黨黨證。

英國政黨 並唔係傻嘅

過往好多南洋華人,以及香港人容易被中共昆,話乜嘢西方國家嘅人唔care你,其實因為你自己好多時仲係心繫「中國」,拒絕融入當地社會玩當地社會嘅遊戲。新加坡李光耀之所以可以成功同英國人周旋,其實李光耀係好識英國政治嘅玩法,佢喺留英期間加入過英國工黨,所以點解英國人會對李光耀另眼相看,唔單只佢係劍橋大學出身咁簡單,香港夠多人去牛劍留學,但有幾多香港英籍人士會加入 英國政黨 。英國人唔認為香港人係一項有利嘅投資果陣,咪應咗左膠或五毛茂利講啲嘢。

http://www.parliament.uk/edm/2017-19/901

保守黨嘅Fiona Bruce MP入咗motion,支持黃之鋒等人角逐諾貝爾和平獎,保守黨點解會咁努力咁幫香港人,因為依家好多年青人因BREXIT之變支持左到無朋友嘅工黨,英國保守黨我坦言係有黨員危機,所以喺意識形態上接近嘅香港人,毫無疑問係保守黨嘅天然盟友,特別我們呢批經歷過定康之治嘅人,係更加認識到,保守黨係有呢個能力帶嚟一個更好嘅英國,或者更好嘅世界。

仲有一樣嘢,入咗 英國政黨 ,你有黨嘅投票權,至可以改變政黨取向,呢個你可以做到,特別黨大會投票同發言,你唔一定要成為MP,但你唔入黨,你根本上係好難影響英國政治嘅,呢個係不爭嘅現實。當唔少歸化英國公民嘅中國人加入保守黨華人之友,試圖影響保守黨政策果陣,你就知道,啲五毛同左膠係點樣昆香港人。所以為香港,為英國,你應該揀一個適合你政見嘅 英國政黨 ,特別你有英國公民身份果啲,呢個亦係我力促周庭恢復英國公民身份嘅原因,佢唔認同保守黨,咪加入工黨囉,咁簡單。

發表迴響

你的電子郵件位址並不會被公開。 必要欄位標記為 *