明治維新-min

明治維新 一百五十週年

好多人農曆新年都會去日本,只不過大部分香港人都未必會明,點解 明治維新 一百五十週年咁重要。 明治維新 梗係重要,1968年4月3日《五條御誓文》發表果日,係 明治維新 開始果一日,係當代日本嘅開端,跟住日本急速現代化,去到1895年清日甲午戰爭,大清帝國戰敗,日本同中國自始走上唔同嘅道路。

向倒幕派學習導向香港嘅「 明治維新 」

由1853年由香港出發嘅美國軍艦向日本江戶城進發,到1853年7月8日黑船抵達江戶城,日本全國一片混亂,跟住掀起尊王攘夷後倒幕,日本歷史最熱血嘅一幕,當中有無重大挫折,梗係有,1858-1859年嘅安政大獄,正係典型嘅挫折,2014年遮打革命後嘅DQ潮等,可以講係安政大獄嘅情況類近,但安政大獄有無令日本嘅政治改變方向,走向當時幕府追求嘅公武合體體制,好明顯唔係,本來主張對外嘅攘夷派,最初都未完全覺得必須隊冧幕府政府解決問題,但1863年下幕戰爭,攘夷派以為自己好X醒走去炮轟英國等國戰艦,呢啲黐X線戰爭結果梗係膠爆收場,但呢次膠到無朋友,令高杉晉作等人覺得必須勾結外國勢力開國,1865年,高杉晉作功山寺起兵政變,隊冧當時長州藩裡面成棚俗論派(保守派),跟住喺香港怡和洋行嘅協助下購買軍火,1866年高杉晉作嘅西式部隊擊敗幕府部隊(第二次長州征討),跟住1868年1月,喺京都市南部嘅戰役中,當時已經攞到天皇支持嘅倒幕派擊敗幕府,之後今日嘅 明治維新 。

當然,除咗要有隊冧政府嘅覺悟外,都要有改進兵法,以及勾結外力嘅覺悟,唔夠一味得個激字,亦唔能夠唔尋求外援,依家熱普城嘅方向固然係黐線,但依家啲大中華膠,我只能講呢班友成班都係俗論派嚟,其實需要一個高杉晉作嚟清理戰場,否則堅係得個膠字。

喺一個講吓自決都可以老屈你再DQ你嘅年代,既然當權派已經無限上綱,劉兆佳甚至勁到認為中共可以成功向挪威施壓,我認為直接用隊冧政府呢個方向去行事都係無可避免,當然隊冧政府唔一定用武器嘅,畢竟你依家面對一個有核武嘅國家,蘇聯解體葉利欽都唔係用武器。

2 thoughts on “明治維新 一百五十週年

發表迴響

你的電子郵件位址並不會被公開。 必要欄位標記為 *