Emergency Travel Document-min

Emergency Travel Document 嘅重要性:另一道太平門

我講過,依家香港人出現,揸BNO可以無護照都好,都攞到 Emergency Travel Document出國嘅情況,但特區護照,除非極為急事,否則係要等十日至有證件到手,呢個有乜意義,其實呢個係公民出入境權利嘅保證。

Emergency Travel Document 嘅意義

睇番猶太大屠殺嘅歷史,你就會明 Emergency Travel Document 嘅重要性,當時德國政府仆街到發一隻J字頭嘅護照,當時你揸J字護照,你無目的地國家簽證就唔駛旨意出到國,而無簽證,基本上你嘅護照係無效,所以何鳳山、杉原千畝呢啲人,會變成猶太人嘅英雄,亦都係呢個原因,因為佢地當時發嘅簽證係堅救命。當然對呢段歷史有了解果陣,你就會點解BNO嘅Observation係同其他英籍護照唔同,基本上,英國人設計果陣,有考慮過中國會變成納粹中國,無錯,亦即係依家中國果個樣。如果仲有人扮唔明果句Observation係點設計,我都幾肯定呢啲仆街係收咗水。

所以 Emergency Travel Document 係保證香港人,至少BNO持有人可以有緊急事果陣出走,當然,香港入境處有可能仆街到唔俾走,但至少有 Emergency Travel Document 果陣,搞到黃雀行動咁,都可以冒險走到台灣或越南,當地嘅英國使館可以令佢地以及其家眷最終抵達歐洲,有啲嘢,我就唔喺公海分析得太入,以免有五毛用另一個角度嚟spin,但呢個亦係我認為必須儘快renew BNO 嘅理由,特別如果你曾經參與遮打革命或魚蛋革命,就更加要有呢個覺悟。中國幾時失控到希特拉咁,係唔會有人知嘅。

英國人不斷宣傳 Emergency Travel Document ,梗係唔係為搵銀,雖然全球發出最多 Emergency Travel Document ,正係英國駐港最高專員公署,但呢本護照除咗可以照顧啲失魂魚外,仲有乜嘢用途,特別喺政治避難上嘅用途,大家應該要心中有數。當然, BNO 平權涵蓋到下一代,係一定會傾嘅一個議題,雖然仲有EEA Family Permit可以用。

發表迴響

你的電子郵件位址並不會被公開。 必要欄位標記為 *