壹週刊-min

壹週刊 交易告吹背後連串問號

壹週刊 賣俾黃浩交易告終,呢單嘢雖然唔令人意外,只不過,我一朝早睇成個 壹週刊 交易告吹嘅問題,我覺得係一堆黑人問號,黃浩背後嘅資金來源,以至做嘢方式我覺得十分之可疑,其實值得一個深究落去,因為黃浩好明顯係做法有鬼。

黃浩買 壹週刊 啲錢嚟自曹貴子

首先,呢件事第一個可疑位係黃浩啲錢要匯入嚟香港買 壹週刊 ,呢個已經唔合邏輯,一間正常喺香港營運嘅公司,除非果間公司根本營運總部喺海外,否則香港Inter-bank轉帳或本票出數仲快,你估海外轉帳好好玩,海外轉出轉入係一件好X麻煩嘅事。所以啲人懷疑黃浩係泊車仔係絕對有理由,好明顯筆錢根本唔係佢嘅。黃浩突然買返都市日報嘅股權,好明顯掩飾佢空心老倌嘅真相。佢啲錢係唔係曹貴子度嚟都成問題,曹貴子唔會咁樣將啲錢匯嚟匯去,搏金管局同證監玩佢咩,佢依家仲唔一身蟻唔夠?所以黃浩由邊個戶口匯錢買 壹週刊 同支付訂金,呢個係有必要向公眾交代清楚,大家懷疑佢用中國資金買嘢係合理懷疑,因為渣打係淡馬錫控股之下嘅投資,以黃浩嘅新加坡淵源,如果佢啲錢乾乾淨淨,渣打銀行無乜理由為難佢,但如果佢啲錢來源係有問題,就另一個講法。

假如黃浩堅係有水喉,但因匯款受阻一直俾唔到錢,好大機會資金背景有問題,甚至係黑錢,如果中國資本買 壹週刊 ,香港銀行應該會快速放行,大家留意一下壹傳媒年報嘅五間來往銀行

• 香港上海滙豐銀行有限公司
• 台中商業銀行股份有限公司
• 上海商業儲蓄銀行
• 星展銀行(香港)有限公司
• 凱基商業銀行股份有限公司

台灣果幾間應該唔關事,即係實際係星展銀行(香港)同香港上海匯豐銀行收錢,我睇唔到呢兩間行有乜理由玩嘢,如果啲錢嚟自中國資本,如果嚟自一啲奇怪嘅錢,咁就另計,黃浩最好澄清一吓佢啲錢由石頭邊度爆出嚟。

如果佢無咁嘅錢,一般做呢啲deal,都係要事前出示proof of fund去證明自己有料到,上市公司唔會信你一面之辭亂咁做deal,啲董事要上身㗎。會唔會有人行使不實文件,呢個方向亦係值得注意。中國啲人,呢幾年玩得呢啲嘢太多,做deal嘅人依家都嚴控資金證明文件,唔係無原因。

One thought on “壹週刊 交易告吹背後連串問號

發表迴響

你的電子郵件位址並不會被公開。 必要欄位標記為 *