陳恆鑌-min

陳恆鑌 應該提名Ig Nobel

Marco Rubio 同一眾美國國會議員提名黃之鋒等三人攞諾貝爾和平獎,其實都係提名階段,而且對香港係好,只不過,啲土共議員,好似 陳恆鑌 咁,應該快過黃之鋒攞Nobel Prize,不過係 Ig Nobel,因為 陳恆鑌 同諾貝爾先生改埋個姓,確有激到佢翻生之嫌,好符合 Ig Nobel 嘅目的:honor achievements that first make people laugh, and then make them think

陳恆鑌 唔知諾貝爾就係姓諾貝爾

陳恆鑌 呢個錯誤,簡直係 der Irrsinn der Woche (the madness of the week),其實諾貝爾就係姓諾貝爾,由於當年譯諾貝爾呢個名果陣,好多時只譯姓唔譯埋個名,無好似英國譯官員嘅名果陣將成個名做漢化處理,所以諾貝爾唔姓諾,如果照 陳恆鑌 嘅邏輯,諾貝爾先生變 Mr. No ,係 Mr. No ,屆時 陳恆鑌 唔俾諾貝爾怒啤就奇。基於 Ig Nobel 嘅宗旨,佢地完全可以 make people laugh, and then make Hong Kong people think the nature of CCP,所以 Ig Nobel 政治學獎呢個獎項,簡直實至名歸。

其實 陳恆鑌 要避免呢個錯誤,好簡單,用香港立法會嘅網絡search吓Google就得,當然,我唔排除 陳恆鑌 係真心真意熱愛中國,拒絕Google呢啲美帝國主義產品,要用百度,咁諾貝爾和平獎係禁字嚟嘅,佢search唔到,我都未必會怪佢嘅。

如果 陳恆鑌 怕獨食獎項唔好意思,唔緊要,佢仲有個黨友叫劉國勳可以共同分享獎項,根據劉生必須有經驗至可以教人嘅邏輯,佢發明咗只有見過上帝至可以傳教,只有見過秦始皇至可以寫尋秦記,或者見過馬克思至可以做共產黨員。劉國勳,你幾時去見馬克思啫。如果有幸 陳恆鑌 攞 Ig Nobel,唔好去錯瑞典或挪威攞獎,呢個獎係哈佛大學頒發,係美國果個哈佛大學,唔係哈爾濱佛教大學,費時有人走咗去哈爾濱攞獎搞到笑到有腹肌,咁就無謂喇。

發表迴響

你的電子郵件位址並不會被公開。 必要欄位標記為 *