包容-min

當 包容 難聽過粗口

依家喺香港, 包容 兩個字真係難聽過粗口。啲官有錯就要 包容 ,但劉子頎講句粗口,錢大康條仆街就用條死罪嚟治佢, 包容 變成是非不分嘅世界,如果啲 成日將 包容 掛喺嘴邊嘅人,未知自己有幾膠,不如咁,你睇咗以下 Have I got the news for you facebook 專頁嘅改圖,我再改個香港版,你就明有幾膠。

粗口 包容 唔到,要包容僭建同收水,你無病嘛

Boris Johnson 身為外相亂咁爆料,令一個被伊朗拘留嘅英國公民身陷險境,Davis Davis 喺國會講大話,跟住Michael Gove喺BREXIT公投誤導公眾,無人負責辭職,但Lord Bates因為遲到就即刻宣布辭職,英國政治人物嘅辭職標準,堅係輕重不分,如果你係英國人,睇完 Have I got the news for you張圖,真係無乜理由笑得出。

只不過,英國同香港比,濕碎喇,大家睇吓我改嘅香港版,究竟有幾大嘅分別至得

包容-min
包容-min

梁振英 UGL 案收水,犯法,鄭若驊僭建,同埋喺銀行按揭度隱暪僭建,都係犯法,林鄭月娥走咗佢承諾廢BCA條數,都係政治上唔可以接受,但依家香港有班藍屍講乜嘢,要我們去 包容 。仆你個街,呢啲犯法都可以 包容 ,點可能包容呀。

大家再比較吓,劉子頎只係爆咗句粗口,仲要唔係屌你老母,錢大康要治佢死罪,喺德國,係官台嘅劇集,出英文粗口小兒科,係德文 fick dich 成句係咁出街,嘟都無嘟過,黃金時間 ARD Das Erste (德國電視一台) 劇集Der Kroatien-Krimi,九點鐘黃金時段,成句德文粗口直接出街,如果用錢大康嘅標準,不如叫全德國電視台停播喇笨,虧佢聲稱喺美國讀大學,美國人對粗口就真係好撚 包容 。

其實呢個改圖可以反映嚟, 包容 兩字依家喺香港,係包含住偽善,岳不群式嘅偽善,或者係一句古語,只准州官放火,不准百姓點燈,咪係呢啲。香港人想扮瞓到幾時,我想知,可能到真係死撚咗都仲扮瞓,呢啲就係香港人。所以香港無晒啲搞笑諷刺節目,我依家明嘅,雖然應該有收視嘅。

One thought on “當 包容 難聽過粗口

發表迴響

你的電子郵件位址並不會被公開。 必要欄位標記為 *