趙家賢-太歷-min

趙家賢 不打自招係太歷國立大學學生

趟家賢 果然係有番啲政治斤兩,呢個人一直喺海底深潛,以為佢靠學店學歷招搖撞騙,甚至暗中投共無人睇到。只不過,依家 趙家賢 啲料同大號牙膏一樣咁多,我堅係仲有料搵到出嚟,呢次係民主黨東區黨團嘅網頁。

趙家賢 以為刪晒維基百科就天下太平

趙家賢 以為刪晒中文維基百科嘅資料,就唔會再有人搵到佢讀過國力書院嘅拍檔,太歷國立大學(TSU,Tarlac State University)嘅資料,咁就大錯特錯,喺民主黨東區黨團嘅網頁,好清楚咁列出, 趙家賢 係TSU 公共行政博士生,換言之,佢都係國力書院啲客嚟。作為一個極力打擊好似葛珮帆之流嘅人,我對泛民唔會雙重標準,對泛民鬆而對土共緊,相反,我們用乜標準去看待土共,就要用乜標準去看待泛民嘅人。所以 趙家賢 係有責任交代佢個博士學歷,如果佢唔再用個博士學歷走嚟走去,咁我都可以算數嘅,但如果佢以為深潛一輪,就可以一天都光晒,咁我唔係咁睇,特別我依家十分之擔心,呢個人會洩漏泛民軍情俾土共。雖然喺民主黨裡面,除咗 趙家賢 ,依家李華明同李永達都明顯係鬼嚟嘅,但民主黨內部已經無咗華叔呢種既熟悉中共黨史,又夠份量壓住啲投共分子嘅人。如果喺以往,我相信 趙家賢 一早黨籍不保,仲會好似依家咁,好似乜事都無發生過。

雖然太歷國立大學,都係一間菲律賓教育部承認嘅大學,但呢間大學周圍賣沙紙,已經搞到香港,甚至中國污煙瘴氣。其實做到議員呢個位,特別民選議員,係唔一定要有個Advanced Degree,反而係呢幾年,中共為咗扮晒嘢,特別要掩飾中共嘅文盲本質,所以乜人都要攞個博士碩士學位大人,但大家一睇蔣麗芸、葛珮帆呢啲仆街嘅言論,你覺得呢啲友仔係有呢個學術同思維水平,咪玩喇。如果香港有人因呢啲沙紙而投佢地票,我堅覺得有啲香港人嘅愚蠢程度,真係超乎想像,如果我係寶藥黨,一定喺民建聯支持者裡面搵食。

都係果句,如果 趙家賢 依家退出民主黨,唔再扮民主派,都好少少,仲扮民主派嘅話,大家真係要小心呢條友變馮煒光第二。

One thought on “趙家賢 不打自招係太歷國立大學學生

  1. 如果話搵銜頭就唔完全係中共問題,中國傳統都係學而優則仕,所以台灣果邊都係出名教授問政。
    但台灣果D至少係貨真價實既教授(學術能力高唔高另計),投共果D就搞到要賣學位……

發表迴響

你的電子郵件位址並不會被公開。 必要欄位標記為 *