信報

信報 淪為五毛大報

文翠珊訪華,其實如果話文翠珊係想求財訪華,我諗依家中國都泥菩薩過江自身難保,所以文翠珊訪華嘅原因同目的,倫敦一直都搞唔清楚。甚至泰晤士報用十分之辛辣嘅漫畫諷刺呢次訪華之行。只不過,香港有啲報紙要幫中聯辦spin香港班蠢材, 信報 可以仆街到喺金針集不斷散播文翠珊訪華只會求財嘅論調,我覺得 信報 淪落成咁,我堅係要出嚟鬧爆。

信報 當佢啲讀者係白痴

如果頭條日報spin呢啲垃圾論調,我尚且可以明白當中作用,好多頭條日報係直送廢紙堆,或者俾啲唔上網,文化程度低嘅人睇,fine。但 信報 係俾財經界同知識界睇嘅報紙,仲有金針集本來係有啲名嘅一個欄嚟,唔該啲分析有番少少英國政界嘅背景分析先。好明顯,就係無。

呢次文翠珊訪華之所以一開始就已經被彭定康處處受限,因為文翠珊政府依家弱到無倫,啲BREXITER不切實際幻想英國可以脫歐後生存到,而彭定康一方面用Hong Kong Watch開火阻止文翠珊訪華做第二個張伯倫,另一方面喺上議院火力全開炮轟BREXIT,脫歐法案過唔過到上議院,我依家十分之懷疑。無錯,上議院阻住地球轉,下議院可以強行通過,問題係下議院文翠珊邊個呢個實力,隨時係搞唔掂一拍兩散,無法通過BREXIT deal,然後英國喺in the middle of nowhere狀態下hard BREXIT。依家文翠珊係睇打算點死法。所以文翠珊要答應彭定康會喺訪華期間提出香港問題,亦係呢個原因。

其實 信報 嘅讀者好多具備睇英國傳媒嘅能力,你呢啲spin唔好出街好過喇,好明顯郭艷明呢個毀滅 信報 嘅大旗手,只係識聽命於中聯辦,但 信報 唔係香港經濟日報,你掌舵係香港經濟日報,呢啲spin仲可能有啲用,但喺 信報 ,你係侮辱讀者智慧。所以我唔會俾錢睇 信報 啲垃圾,送都唔會睇。依家香港仲有腦嘅人,改晒睇英文傳媒,原因就係呢班聽中聯辦點嘅仆街太白痴。

我最後順便利申一吓:我1996年喺 信報 寫科技、文化同政治,直至2012年。而曾經有一段時間,我係其中一位獨眼新聞嘅紀曉風。我諗我呢個背景,係夠資格鬧爆 信報 有餘。某程度上,我算係睇 信報 長大。

發表迴響

你的電子郵件位址並不會被公開。 必要欄位標記為 *