周庭-歐盟-min

周庭 DQ案觸發歐盟反彈聲浪

周庭 DQ案因為玩得太核突,唔單令文翠珊訪華被彭定康夾住咗,依家仲搞到歐盟出強硬聲明回應。啲人話聲明乜有用嘅咩?歐盟有聲明後,通常有政策改變,大家唔記得差佬2014年玩到過晒火位,連MP5都買唔番果單嘢。

DQ 周庭 都唔睇時候

好多人對歐盟對DQ 周庭 咁大反應好驚訝,但我唔驚訝,因為香港同中國政府班蠢材唔知歐洲政治搞緊啲乜亂咁嚟,以為銳實力真係好X銳,其實只不過係屎坑關刀嘅實力。當德國嘅政治形勢一定穩定番,就另一回事。

德國牙買加內閣傾唔掂數後,我叫佢做Herr Kartoffel嘅SPD黨魁Martin Schulz終於肯傾Groko(大聯盟內閣),喺波恩舉行嘅SPD特別黨大會(Sonderpartietag)有驚無險咁過咗後,CDU, CSU同SPD喺家庭團聚呢個政策問題上得到共識,組閣應該無太大懸念,之後德國就可以恢復領導歐盟龍頭嘅角色,依家德國已經對中國企業併購技術採取審犯嘅角度,依家DQ 周庭 到一個亂咁嚟嘅程度,德國唔用歐盟個朵出聲就奇。所以林鄭月娥呢次以為無後果,錯喇,呢鋪咁玩法出事係一定有後果。仲有一個技術上嘅歐洲人出事,周庭雖然無英國公民身份,但未BREXIT,佢作為歐盟公民嘅子女,佢幾時嚟歐盟住都得(居歐權,EEA Family Permit,林鄭月娥都有嘅,before BREXIT),即係仲係歐盟嘅事喇,歐盟唔出聲就傻喇。

大家特別要留意,歐盟喺香港Facebook Page share 呢段聲明果陣,係無tag英國駐香港總領事館。連葡國同瑞典兩件削到爆嘅國家都tag,連愛爾蘭都tag,就係無tag英國,英國仲未BREXIT喎。好明顯,歐盟喺爭奪香港事務話事權呢一點上面,已經當你英國都傻。Hong Kong Watch喺香港事務咁緊張,彭定康畢竟喺歐盟主政過外交工作,仲唔知你歐陸班友想玩乜咩。

德國領事館恢復抽水,兼且連德國電車都拉埋同香港電車一齊講果陣(德國電車都係用叮叮聲,但香港電車實際係由法國巴黎市政府營運),大家諗吓有乜事發生緊喇。

發表迴響

你的電子郵件位址並不會被公開。 必要欄位標記為 *