Theresa May-min-3

Theresa May 訪華遇正香港大DQ

喺國會辯論香港問題後,啲五毛,熱普城啲五毛仲喺度周圍講點解唔講BNO,對我嚟講,鏟除熱普城爪牙戶口係比較重要啲,呢班fake news maker仲喺度我要浪費好多時間。只不過, Theresa May 訪華前,遇上林鄭月娥亂DQ,之後仲要彭定康同Lord Ashdown出House of Lords letterhead警告首相咪賣香港人。一個保守黨元老加自由民主黨元老咁出手,呢鋪 Theresa May 訪華之行,應該係準備去北京開片收場。

Theresa May 訪華嘅背景

Theresa May 呢次訪華之行係極倉卒,而且背後傳聞滿天飛,當然依家適值BREXIT談判完全用無人駕駛嚟形容,加一年Transition Period已經令保守黨疑歐派全面失控,甚至有傳黨內有人想搞不信任動議,跟住 Theresa May 訪華有傳被習近平迫英國支持一帶一路, Theresa May堅拒已經搞到之前準備功夫好有火藥味。跟住香港班擦鞋友DQ周庭,但周庭呢個人係一個特殊人物,玩莫須有DQ基本上已經過晒Hong Kong Watch設下嘅紅線,彭定康仲唔立即出手挾住 Theresa May ,如果 Theresa May出賣香港人,佢就堅係做咗當代張伯倫,依家英國一片懷念邱吉爾熱潮嘅當下,你走去做張伯倫第二,朋友,你無病嘛。

BNO平權,除咗係香港人嘅公民權利問題,BNO呢舊法律怪物已經同時喺BREXIT,同西方對抗中國「銳實力」漩渦嘅一部分,甚至係當中嘅武器,所以啲五毛仲喺度用中國人方式解讀國會嘅辯論,我諗呢啲人,連英國人係點立法都唔知。係得啲五毛,至會認為法律係唔需要醞釀,或一個提供理據嘅過程。依家林鄭月娥同鄧如欣俾足彈藥英國人,仲要加埋陳日君攔住教皇為中國教徒陳情事件,呢件事喺歐洲係好受到議論,基本上教廷啲投降派喺歐洲已經受到好大嘅輿論壓力(教皇都唔係傻嘅)。

依家香港根本喺一場大風暴之中,只有啲五毛至繼續教大家討厭政治,或者將一啲唔關事嘅國家拉入BNO平權中。都係果句,做得五毛遲早係要還。

發表迴響

你的電子郵件位址並不會被公開。 必要欄位標記為 *