趙家賢-2-min

趙家賢 喺土共組織大會接受博士學位,呢件係泛民?

趙家賢 攞個法國北歐大學所謂博士學位,件事本身已經令人反胃,只不過,當你知道佢去年出席一個叫國際博士學協會嘅騎呢土共組織嘅聚會,喺果度攞到佢嘅「榮譽博士學位」,成件事就簡直令人反胃到極點,你投撚咗共一早開聲。

趙家賢 可唔可以解釋一吓乜叫國際博士後協會

以上兩張圖,係我根據讀者線報,再用Google Cache搵番一個叫國際博士後協會組織嘅邀請,出席六週年晚宴兼派榮譽博士學位嘅儀式, 趙家賢 榜上有名,無得抵賴。

國際博士後協會都可以斷定係一個土共組織,大家睇呢個組織嘅Honorary Advisors 名單先,

  1. 謝偉銓,梁粉一件,司馬文嘅對手
  2. 陳恆鑌,民賤聯中人一件
  3. 盧偉國,土共一件
  4. 初志農教授,前中聯辦嘅人
  5. 鄭國漢博士,梁粉
  6. 何鍾泰,土共一件
  7. 王健教授 中國國家行政學院經濟學教研部前主任,共產黨嘅人

呢份榮譽顧問名單簡直係人渣龍虎榜嚟,你同我講 趙家賢 身為民主動力召集人,喺果度攞個古巨基同張敬軒都有買嘅博士學位,你條友無病嘛,想做另一個馮煒光都唔駛咁做嘛。

單靠呢份資料,我已經可以斷定 趙家賢 係絕對唔適合再沾手民主動力嘅事務,唔怪得今次初選搞到咁烏厘單刀,簡直你諗得出最黐線嘅事,一次過喺初選出晒嚟,梗係喇,一個賣咗屎忽俾土共嘅人喺度。民主動力依家要做,係即時採取行動炒咗 趙家賢 ,而民主黨都要考慮踢呢條友出黨,因為呢條友已經係第二個馮煒光、劉江華或陳財喜,民主黨仲出唔夠多呢啲仆街。

而ipostdocA 喺刪咗個page,如果唔係我用Google Cache撈番出嚟,恐怕已經錯失咗一個可以指正 趙家賢 係土共嘅重大證據,證明依家中聯辦係有目的有步驟喺泛民內部放針,我唔知仲有幾多類似 趙家賢 呢啲咁嘅仆街,但如果泛民仲係好似依家由一班天真嬌去同中共拗手瓜,以依家中共派咁多第五縱隊入去,死法唔會好似蔣介石當年一樣就奇。大家都知,蔣介石身邊基本上全部都係共諜,甚至負責守衛北京嘅傅作義,佢個女都係中共黨員嚟,依家泛民好可能,就係面對當年蔣介石一樣嘅局面。

發表迴響

你的電子郵件位址並不會被公開。 必要欄位標記為 *