德意志銀行-海航集團-min

海航集團 大難臨頭,點只機票無得買咁簡單

最近江湖傳聞, 海航集團 打算賣埋香港航空,香港航空一直被 海航集團 用嚟買飛機用,依家都要賣,可以見到有幾大鑊。如果你仲唔信支爆依家爆緊,咁你睇吓依家 海航集團 究竟啲債券係唔係人買嘅先,一旦 海航集團 一爆就應該好大劑,仲要非一般嘅大劑。

海航集團 啲資產邊個支持佢咁買

海航集團 依家啲債券,啲yield去到20%,大佬,呢啲唔駛睇埋Credit Default Swap,都知佢啲債券已經係垃圾級,通常啲還唔掂債嘅公司,臨死前都會尋求高息債貸, 依家 海航集團 已經出現呢種情況,咁大家諗吓,仲未計佢成堆附屬公司已經係被銀行凍結資產。

依家 海航集團 可以咁亂買嘢,因為佢條credit line係嚟自國家開發銀行,亦即係國開行,以前金融界啲人,見到國開行嘅credit line,即係有北京嘅「阿爺」照喇,有國家支持再加資產抵押梗係想點買就點買,唔駛諗Cash嘅問題。但依家點解 海航集團 搞成咁,係唔係連國家開發銀行自己都搞掂,如果係呢個情況,再加香港ATM被人狂㩒Cash,同埋地方政府啲債務已經失控,嘩,大家都估到乜事喇。所以英國首相文翠珊未訪華,隨時已經因一帶一路問題同中國反面,跟住就係香港爭奪戰,梗係喇,明知你嘅財政係二仔底嚟,點解仲要認你係大佬,傻的嗎?

所以如果 海航集團 一爆鑊,我相信啟德果塊地爛尾所造成嘅嚴重後果,已經足夠令香港樓市死傷慘重,我唔明點解香港人可以樂觀成咁,跟住, 海航集團 爆鑊喺中國銀行系統可以造成乜連鎖反應,我唔知。仲要依家咁爆法,一定係賤賣資產,希爾頓酒店集團、德意志銀行呢啲股價等大跌,至於講swissport IPO喎,我頂你,swissport自己借唔少錢俾 海航集團 啲成員公司,呢啲咁嘅profile點上市套現,上你條毛,隨時毛記葵涌上咗市,swissport都仲未上到市呀,豬頭丙。

所以買咗HK Express機票嘅,你飛到係運氣,你飛唔到係正常,死頂都頂唔到好耐,至於樓市股市喎,識走嘅好走喇,走得摩無鼻哥。

2 thoughts on “海航集團 大難臨頭,點只機票無得買咁簡單

  1. 香港人唔係樂觀,識嘢嘅,有錢嘅唔係而移民就係轉移資產去外國.
    剩番落嚟喺香港嘅人:一係就親中嘅,聽埋聽埋就以為大國勃起.一係就豬嚟嘅,有得食有得瞓就咩事都唔理.

發表迴響

你的電子郵件位址並不會被公開。 必要欄位標記為 *