支爆

星期日休息:香港陷入 支爆 危機仍然懵然不知

依家中共完全唔理《中英聯合聲明》亂咁DQ啲議員,好似陳志雲呢啲人,仍然主觀願望咁睇,中國希望利用香港嘅進軍國際,我睇佢地都唔駛妄想。依家已經 支爆 緊,而且香港嘅現金,港幣現金,正高速流出香港,而港幣現金有幾多喺中國人手上,同埋唔知去咗地球邊度,呢件事對香港金融系統嘅健全係有問題。

支爆 到了:人民幣換成港幣現金,香港只剩一堆軍票?

根據金管局嘅數據,喺2017年,平均每月有20億-60億港紙係由中國人由ATM提出。咁問題嚟,究竟喺銀行系統(持牌機構),每個月有幾個現金喺度。喺2017年,頭十一個月銀行持有嘅現鈔同紙幣金額係咁

1月 29,877,000,000
2月 20,251,000,000
3月 19,908,000,000
4月 27,043,000,000
5月 22,103,000,000
6月 25,163,000,000
7月 22,120,000,000
8月 19,862,000,000
9月 25,368,000,000
10月 21,166,000,000
11月 19,839,000,000

2,000,000,000 – 6,000,000,000 現金流,大家留意10月,亦即中國國慶黃金週期間,有10%-20%嘅現金流出,大佬,如果平均每月4,000,000,000流出街,講緊一年四百八十幾億現金流出香港,而且,呢個未計中國人一旦喺香港ATM或銀行系統提出現金會搞出乜事出嚟,喺依家嘅情況,係唔可能光明正大將錢匯到美國或歐洲,因為呢啲國家嘅政府一定起疑。否則唔會歐盟國家嘅機場,主要都係周果啲嚟自亞洲嘅黃面孔人士,唔係捉有無海味或即食麵,佢地必問有無帶超過一萬歐羅嘅現金,相信歐盟國家嘅政府海關警覺性比香港人嚟得多。

支爆
支爆

而最令人要留意,由2008年至今,香港累積通脹實無一倍咁多,而且表面上,香港已經慣用信用卡、EPS等交易,照計無理由有咁大嘅現金需求,但2008年嘅現金發行量係2000億都唔夠,但依家有四千幾億嘅現金發行咗,但呢啲現金好快喺持牌機構消失,流入公眾當中,咁筆現金去咗邊至得,而相信2017年12月同2018年1月嘅認可機構現金持有量數字,將會係十分之精彩,即係香港啲現金已經持續流失緊,而換入嚟,梗係一堆人民幣。大家要留意,銀聯中國卡喺中國以外,包括香港同澳門使用,結算係喺中國人民銀行進行,只有海外銀聯卡喺中國使用,反而結算係由香港匯豐銀行去做,大家諗吓咁結算,會出現乜結果,就係香港銀行實際收到一堆人民幣,香港銀行隨時有被班中國人碌爆機嘅危險。一係中國要侷住用自己有限嘅外匯找晒香港啲數,結果係乜結果,大家心照。

所以,我話依家仲有一堆藍屍唱好中國,呢班友一係自欺欺人到傻咗,死咗無人可憐,一係佢地自己都想掠水,然後走返西方國家,呢啲友仔,我只能用仆街嚟形容。

依家好明顯係一個危局,香港要阻止現金持續流出香港得一個方法,就係中斷銀聯卡喺香港嘅提款能力,但中國同香港敢做咩?梗係唔敢喇。所以,依家香港人要考慮係自救,賣唔賣樓,呢個可以後一步諗,但如果你有能力喺海外開設銀行戶口,依家可以做,喺將香港銀行嘅現金等資產匯到歐洲等國嘅銀行戶口,然後存入儲蓄戶口(英國Savings 同 Current Account係兩回事,Savings一般有息,德國叫Tagesgeld戶口,息唔多,英國高息啲,叫好過無),靜觀其變。如果你打算去加拿大,或者行使你嘅居歐權或居歐權,最好開始要切斷你嘅強積金,因為強積金依家其實係好危險,趁依家個市已經熱到傻咗,不如趁早走人。

喺一個咁嘅經濟局面,再加上海航集團同地方政府隨時爆煲收場,只要西方國家完成將生產基地移到東南亞,或者侵總統同金正恩突然失控,局勢可以一百八十度突變,唔只政治上係一個鄧扣克嘅形勢,經濟都係鄧扣克嚟,仲講乜嘢一帶一路,呢啲仆街係騙徒嚟,大家小心啲好喇。當然,我唔會好想仔細教人點走資,二月開membership網站,我可能會仔細教呢啲細節嘅,但都係果句,小心為上。

11 thoughts on “星期日休息:香港陷入 支爆 危機仍然懵然不知

  1. 1)香港美資銀行 的外幣戶口,完全等同其他香港銀行戶口,沒有分別。
    2)金管局保證每戶口是五十萬元。這只限個別銀行倒閉,集體倒閉與貨幣體系出事均不受保障。
    3)發行多少貨幣並非問題所在,因貨幣不過是載具。但以上貨幣數字並非單是現金而已,還包括一大堆票據合約。合約在極端情況下是有可能不兌現哦。
    4)真正的問題在於金管局不願公佈外匯組合數字,而這本來只限國際流通貨幣的組合,已經大幅滲入不應存在的人民幣在內。 金管局的文書寫的:"2016 年 10 月起,人民幣資產被計入外匯儲備資產內。"。依外匯基金回報表現去推算,港元基本上有七成成份已經是人民幣資產。總有一天,港元不被消滅也會自我消滅。若中共倒台,人民幣與港元均會一同消失。

  2. 世澤兄,請問有關二月開的membership網站可以响邊度登記 ? 想了解更多關於相關細節。
    Thxs

發表迴響

你的電子郵件位址並不會被公開。 必要欄位標記為 *