DQ

DQ 周庭同姚松炎係意料中事

江湖有傳,政府會 DQ 周庭同姚松炎,其實了解依家中共果種和尚打傘,無法無天嘅思維,都預得到。除咗范國威因為有現任區議員身份,加上又無乜涉及離奇古怪嘅言論, DQ 唔到外,依家香港嘅民主程度,根本上已經同伊朗無分別。

DQ 周庭同姚松炎後嘅Plan B

其實北京嘅意圖好簡單,就係所有主張香港有權決定命運嘅都要死,甚至我懷疑中共係想 DQ 范國威,呢樣嘢我一早喺《蘋果日報》講咗,因為依家習近平已經以為自己真係朕即國家,當《中英聯合聲明》係傻嘅,所以呢次 DQ 一出現,就幾乎可以肯定觸動《中英聯合聲明》嘅違約底線。當然違約底線一到,就好多事都會發生,當然大家都可以預期一啲五毛會出嚟搞風搞雨,唔駛講㗎喇,研究中共黨史嘅人,唔難估到佢玩邊家。

好喇,如果 DQ 姚松炎會點,問心,我唔認為曾健超或袁海文有力一戰,大家都係要力勸鄺葆賢醫生出山,雖然我懷疑鄺葆賢醫生都有可能會被 DQ ,屆時香港無選舉嘅情況,大家都係renew定BNO吧。跟住范國威,其實范國威嘅Plan B人選係得張秀賢,問題係,張秀賢都可能會被 DQ ,屆時應該出邊個,唔好話劉頴匡,更加唔好講陳國強。我認為新民主同盟要提一個人出嚟,作為范國威嘅影武者。

最後,港島,周庭被 DQ 後申請恢復British Citizen吧,佢本英籍護照係有用嘅,但係邊個做 Plan B ,有人提過,由駱應淦資深大律師出戰,以駱大狀嘅刑事大狀嘅實力,不單港島啲天龍人會buy,而且好可能佢係唯一一個可以喺議會一嘢KO鄭若驊嘅人選,由佢接受TVB訪問,記者完全無位入,仲可以問鄭若驊攞本diary出嚟俾大家睇,證明佢堅係好忙,可以見到呢位刑事大狀唔係浪得虛名。只不過,駱大狀肯唔定倉卒應戰上陣,係另一個問題喇。畢竟做立法會議員呢樣嘢,對好多人嚟講,其實屬於厭惡性工作。特別對住梁君彥呢啲有權用盡,唔講道理嘅仆街,就更加係一件令人爆血管嘅工作。

中國共產黨睇中香港人唔敢抗爭嘅性格,所以我睇要香港達致民主,都係有必要勾結外國勢力。啲大中華膠或者覺得唔啱聽,咁呀,佢地睇吓孫大炮做過啲乜,毛澤東做過啲乜先。

發表迴響

你的電子郵件位址並不會被公開。 必要欄位標記為 *