加泰隆尼亞-黃台仰-min

加泰隆尼亞 黃台仰 歐盟

加泰隆尼亞喺1月31日會決定會唔會由流亡海外嘅普格德蒙繼續做主席,雖然西班牙政府好想法院再出逮捕令,但西班牙法院已經睬政府都傻,呢件事會同 黃台仰 流亡德國有密切關係。基本上,香港政府係處理唔到 黃台仰 問題。

歐盟公民喺成員國難被逐出

普格德蒙之所以西班牙法院唔會再更新逮捕令,因為被一出逮捕令,首先會令加泰隆尼亞問題喺歐洲人權法院上被審視,咁係會膠嘅,另一方面,歐洲公民喺另一個成員,一旦行使咗權利,除非有違反公共衛生或公共安全嘅情況,否則係趕唔走果條友。普格德蒙唔可能危害比利時國家安全,甚至普格德蒙喺法西邊境嘅地方遙控統治,都未必有問題,最多加泰隆尼亞政府要請條跑腿。但葡國公民,特別澳門果啲,幫中國做嘢,或者從事幫會活動,係絕對可以被其他成員國趕走。呢啲嘢,2004/38/EC寫得好清楚,唔駛某啲人用中國邏輯去推演嘅。

呢個情況,同樣喺 黃台仰 身上出現,如果 黃台仰 揸BNO進入德國,行駛咗自由行動權利,俗稱居歐權,首先唔駛申請難民,因為德國政府唔會膠到要處理歐盟公民嘅「難民申請」,佢留喺度就係。另一方面,香港法院要申請引渡嘅話,等於將魚蛋革命嘅案件交到德國法院聆訊,我睇唔到德國法院會俾你班大帝過。呢個亦係點解,成班五毛,同埋一啲幫中國政府做嘢嘅人,包括一啲扮本土,但大叫永續基本法果啲仆街冚家鏟,咁要抹黑BNO有居歐權。如果歐盟真係要封大門,就唔會去到2018年,都係一堆BNO no stamp嘅進入歐盟,喺呢個電腦年代,神根有系統讀passport code去判斷佢係EU定唔係EU。係立場新聞呢啲白痴,至會甘做中國content farm登埋啲有問題嘅文,我唔知蔡東豪有乜苦衷,但我已經去信咗立場新聞,要佢地解釋佢地嘅編輯準則。

所以有啲人好緊張BNO嘅居歐權,包括中國駐部分歐洲國家嘅大使館,以及其實得兩位嘅葡籍人士,我可以講,歐盟唔係傻嘅,呢啲友仔喺歐洲嘅活動都係小心啲。瑞典見桂民海問題咁走數,都應該唔好再喺BNO問題上聽中國枝笛,中國就係信唔過。

發表迴響

你的電子郵件位址並不會被公開。 必要欄位標記為 *