梁天琦-min

梁天琦 黃之鋒 都係香港人去坐監,你班政棍仲喺度爭位

梁天琦 喺旺角魚蛋革命聆訊中認咗襲警後立即還柙,我喺德國聽到呢個消息好心傷,特別見到成棚政棍只係喺Plan B同C拗嚟拗去,一去好似劉頴匡呢啲政棍喺度呃票,周永康係share一張佢同 梁天琦 嘅合照,以示共同作戰,你估 劉頴匡。有聲援 梁天琦 嘅另一個係已經唔駛選新界東嘅張秀賢,有時有啲人係人定係棍好易睇。

梁天琦 我睇唔到乜大罪

我想果啲鬧 梁天琦 或者魚蛋革命果啲人,諗清楚佢地發言果陣,係唔係代表佢地只係擁護政權或者怕死,講啲無國際視野嘅嘢。喺示威嚟講,佔領運動係極度和平,但同漢堡G20班極左派(無錯,左膠最崇拜啲朋友)比,香港根本好和平,唔好講法國同大韓民國兩個示威一定係演變成陣地戰爭嘅國家,以德國論,一個示威一定要專業到底嘅國家,點解德國示威必備水炮,因為德國示威者係會出動火藥,即係煙花亂飛。如果想研究德國極左派嘅「專業打法」,可以睇NDR去年七月嘅G20-Gipfel: Als Hamburg brannte(G20峰會:漢堡在燃燒)嘅紀錄片,

https://www.ndr.de/fernsehen/G20-Gipfel-Als-Hamburg-brannte,doku1120.html

德國極左派,搶超級市場、燒車、煙花到梳化都掟向警察(無錯,梳化),呢啲就叫暴動。最後單嘢要奧地利嘅特警部門協助德國,大家諗吓幾黐線,喺鬧香港人之前,唔該睇吓乜嘢叫堅暴動。至於1967年,我認為準確啲,係恐怖襲擊,土共係完全無資格指責任何示威者,因為恐怖分子係無可原諒,依家Sinn Fein為咗爭取可以重返愛爾蘭政府內閣,都要將黨魁換走,換成無IRA背景嘅人,呢個係基本原則嚟。

魚蛋革命係暴動,我絕對反對,旺角有無商鋪好似漢堡咁搞到戰場咁?我唔明 梁天琦 有乜嘢罪囉,當然我反對暴力,因為暴力無論戰術、戰略都有完全唔同考慮,打到好似德國極左派咁係戰術唔錯,戰略失敗,但如果香港繼續是非不分,我睇遲早有年青一代嘅人,俾啲堅過石堅嘅嘢。

發表迴響

你的電子郵件位址並不會被公開。 必要欄位標記為 *