鄭若驊-僭建-1-min

僭建專家 鄭若驊

本來唔想再講 鄭若驊 ,但依家蘋果日報查到, 鄭若驊 喺去年買淺水灣單位果陣,竟然係明知有僭建,都簽約買落去,呢種知法犯法真係太爆機,完全可以用不知所謂嚟形容。我唔知公眾點解,仲可以對呢種仆街行包容落去,咁都可以包容?唔X係嘛。

鄭若驊 簡直係僭建老手

2008年 鄭若驊 買大宅,佢可能唔知有僭建,fine,佢可能真係好X忙,雖然好X忙根本唔係一個法院可以接納嘅藉口,甚至公務員都唔接納嘅藉口。但2017年8月,佢買淺水灣單位果陣,佢本人,同佢老公都係註冊工程師,可以簽份明知有僭建都必買嘅契落去,有無搞X錯,呢啲堅係知法犯法,如果知法犯法可以做律政司司長,咁民賤聯班友仲有乜資格鬧示威者犯法啫,返去早抖喇。如果一般小市民,邊個夠薑咁簽落去。林鄭月娥聲稱自己咁X憎僭建,咁唔該解釋吓,呢啲明知有僭建份契都簽落去,呢啲行為點解可以包容,如果咁都包容到,州官放火乜都得,咁你同我講法治,香港係連rule by law都不如,係rule by man,係第三世界國家水平,借用侵總統嘅金句,香港堅係變屎坑城市,或者亞洲屎坑都會 (Asia’s shithole city)。

當然, 鄭若驊 依家可以僭建僭到專家級,仲一啲羞恥之心都無(但佢EQ好過葉劉淑儀好多,呢個係事實),因為香港人果啲食人禮教問題嚴重,無錯,魯迅一早批判嘅食人禮教。達官貴人做事犯法可以包容,但大學生反對華語試必修,講吓粗口就唔可以包容,儒家最仆街嘅問題係,將禮睇到大過天,唔睇公義,結果中國社會變成乜嘢仆街社會,日本、韓國社會有幾多虛偽嘢,咪多X謝孔子。喺西方國家,無人鬧大學爆粗,我用緊間N26 Bank嘅口號係no bullshit banking,你試吓香港用呢啲粗鄙用語做promotion。相反,德國係追納粹黨追到天腳底,因為平民百姓爆吓粗有幾閒,但有啲涉及公義嘅事情,係有必要追到天腳底。如果啲中坑廢老繼續是非不分,香港日後出乜嘢事,年青人無必要去救呢啲中坑廢老,因為根本係佢地嘅共業。

2 thoughts on “僭建專家 鄭若驊

  1. 子曰:「麻冕,禮也;今也純,儉。吾從眾。拜下,禮也;今拜乎上,泰也。雖違眾,吾從下。」

    孔子係重禮,但講到禮大過天、大過公義,係後世小儒「君要臣死臣不死不忠」式的保皇演繹,唔關孔子本人事。

  2. 又一物以類聚, 臭味相投.
    shithole 唔一定臭, 但今日流氓政權把持香港, 保證惡臭.

發表迴響

你的電子郵件位址並不會被公開。 必要欄位標記為 *