馮檢基-min

將 馮檢基 趕出民主派

馮檢基 呢件廢柴,我本來唔想討論,只不過,依家聽落姚松炎好大機會被DQ,搵梁家傑做Plan B本來係膠(唔該各位放過佢喇),但如果搵 馮檢基 做Plan B,唔好意思,我並唔認為所謂政治倫理係要俾 馮檢基 呢個人上去。

馮檢基 兩大罪

馮檢基 如果係講政治倫理,好簡單,佢就佢當年入臨時立法會呢個非法議會叩頭道歉先,點解九龍西咁多選民衝出嚟投泛民初選,唔係因為姚松炎靚仔,姚松炎出嚟打港島其實仲適合,甚至將周庭同姚松炎對調就啱啱好。姚松炎本身就係一個天龍國到爆嘅人,仲要熟房地產嘅嘢。而係因為 馮檢基 太仆街,依家你同我講馮檢基係 Plan B,好多泛民選民根本唔知 馮檢基 係Plan B,係你班泛民老屎忽自己私相授受嘅結果,如果姚松炎指定一個親本土人馬係Plan B,大家會順氣好多。新界東,睇落北京唔敢玩Plan B,否則唔會黃成智、陳國強出晒嚟鎅票,睇幾時鄭家富再次改名做冚家富上陣。但對北京嚟講, 馮檢基 贏都係佢地贏,所以 馮檢基 絕對唔可以係Plan B。

馮檢基 另一大罪係唔尊重民意,既然民意好清晰要佢仆街,就唔好講乜嘢摩天輪排隊論,依家全世界就係唔要 馮檢基 ,你泛民大佬之間乜嘢君子協議,關我叉事。 馮檢基 應該喺輸果日就宣布退休。有一點,我必須要讚揚黃毓民,雖然我好憎黃毓民,就係黃毓民被游蕙禎擊敗後,佢立即宣布收山,甚至DQ後都無話要出嚟爭位,黃毓民好多作風我極不贊同,但佢至少係知所進退, 馮檢基 呢件廢柴就連黃毓民都不如,所以我話要呢條友收山at all cost。

大家亦唔好講乜嘢中立香港人,乜香港人有中立嘅咩?呢啲所謂中立香港人十之八九係勝利球迷,根本佢地啲票係投俾鄭泳舜,你駛理佢?都係果句,呢啲「中立香港人」日後袋裡面本外國護照人間蒸發,就唔好怨。

當然,無人想要出現Plan B,黃之鋒講要全力捍衛Plan A,純屬主觀良好願望,但實際係,中共越嚟越唔講道理,邱吉爾面對納粹都經常面對兩害取其輕嘅戰略難題,泛民呢次亦都係一樣,更何況所謂政治倫理只係泛民大佬之間私相授受。

One thought on “將 馮檢基 趕出民主派

  1. 以前做公務員時有一次為其中一次的選舉做點票員, 當時(馮某)正夕盛年, 我見過他真人, 看他的身體語言和言詞, 一看便知這個人信不過, 出來撈食的人. 撈家, 開這樣多社會不是為社會服務而是希望從中揪水. 以政府錢來養起自己. 所以越開多社企越發. 深水埗的居民現在才發覺才背棄他.都十幾年時間了.後知後覺. 泛民根本是另一維穩工具. 陳雲是有些神經但一些話說得無錯, 所謂大中華左膠根本是共產黨的外圍間諜.

發表迴響

你的電子郵件位址並不會被公開。 必要欄位標記為 *