陳家珮 英文反映香港嘅假洋鬼子

陳家珮 雖然喺澳洲留學,仲要都叫有名氣嘅學校,講英文都搞到陳克勤咁嘅款,相反,周庭未曾留學日本都日文唔錯,至少日本傳媒係好buy佢(太古城嘅日本人票都睇落喺周庭袋),而英文,都係算無問題,至少佢應付西方傳媒有經驗。大家會問,點解 陳家珮 啲英文會咁。

陳家珮 咪啲典型假洋鬼子

首先,真心同西方integrate到嘅人,係根本唔會加入新民黨,葉劉淑儀至今仍然未為希特拉係民主選出嚟呢句嘢找數,佢有希師奶之名都係呢句仆街金句,請問熟悉西方歷史嘅人,同文化價值嘅人,點可能加入呢挺政黨。所以入得新民黨,我話之佢乜校出嚟,都可以斷定係假洋鬼子,西方有啲嘢嘅底線係不容挑戰,例如對納粹嘅評價,否則唔會奧地利靚仔總理Sebastian Kurz訪問德國,德國Das Erste(德國電視一台)係咁喺訪問節目圍抽佢,仲要加個綠黨政客同佢二對一。

而本來考大學嘅英語考試,其實好多係可操返嚟,否則你唔會見到一堆中國學生,佢地考試好得,但一開口講英文就唔得。而且其實英文考試如果用CEFR(Common European Framework of Reference)一比,你就知大鑊,無錯,CEFR B2水平夠申請UK Visa,即係IELTS 5.5,同一級係Cambridge First Certificate,或者GCSE D-G,如果你GCSE C以上,你已經係CEFR C1(我係舊制GCE O Level,不過我唔叫叻,啱啱得個C咁),如果你揸舊制HKCEE Syllabus B嘅C或以上,換算之後已經係等同CEFR B2,甚至C1,如果你HKAL UE 攞D或以上,照香港考評局嘅IELTS換算表,你過咗6.5,根本係CEFR C1,有啲英國院校就要HKAL UE C就叫C1,一街都係CEFR C1,你話你成堆成績表,名校畢業證書,咁又點喇。

其實 陳家珮 咁自暴其短,不如反映香港人果種膚淺,真心了解西方文化,至叫堅英文叻,例如毛孟靜議員,我諗無人可以挑戰佢英文水平。葉劉淑儀自己喺布達珮斯啲cheap行為,好心佢自己摺埋好過。一名崇拜名校果啲人,我都係果兩個字,膚淺。

One thought on “陳家珮 英文反映香港嘅假洋鬼子

  1. 世澤兄:

    由此亦佐證 “臭味相投” 一詞之真理.
    陳某早前於一香港電台時事節目之表現, 其用詞, 語氣態度, 與葉劉同出一轍.
    可知此二臭人, 人雖不同, 其臭則一.

發表迴響

你的電子郵件位址並不會被公開。 必要欄位標記為 *