港人講地

港人講地 暴走睇英國對港政策

自 Lord Ashdown 高調呼籲要啟動BNO平權後,大家見到對BNO討論嘅變化,陶傑嘅立場去到幾乎同我差唔多,而反BNO嘅五毛重火力回應,甚至去到上綱上線文革式人身攻擊,但我唔意外,你睇 港人講地 嘅文革式語言暴走就明。

港人講地 用文革語言回應Lord Ashdown

港人講地好少高調回應BNO相關議題,或英國人嘅政策建議,但依家似乎有堅料到,立即出動前廉署高層郭文緯,大家睇個標題唔駛睇內文都知係文革語言嘅人身攻擊,當然呢啲攻擊不單無用,而且係加強英國政府去幫BNO平權嘅理據,因為文革語言本身就係中國共產黨打壓香港人嘅證據,咪當英國人唔識睇中文至得,中國買通晒FCO啲中國通,都唔代表可以買通其他識中文嘅人。

所以我對最終BNO平權有一定信心,因為無論連登嘅五毛,澳門嚟嘅五毛到港人講地,甚至熱普城啲人渣反應,都話大家聽一個事實,北京應該知道BNO平權勢在必行,佢地知道除咗發惡,就乜嘢都唔識,就係咁簡單。

我順便回覆點解我ban咗一件叫Alex K Chan嘅五毛,因為佢嘅friend list令我有合理理由相信佢係一個假戶口,更隨時係同果件澳門五毛有密切關係嘅一件五毛

成個friend list真人極少,呢啲仲唔係精心設計用嚟做嘢嘅假戶口,仲要突然得到澳門五毛睇到嚟特別放大佢嘅發言,呢啲唔係五毛仲係乜?我相信盲都睇得到,如果果個人係平日我啲讀者,唔係精心設計嘅五毛,佢應該知道我嘅立場,而唔會無啦啦送戶口俾我ban咁蠢。

同埋大家留意一樣嘢,依家BNO好可能平權,啲不明人搞嘅facebook page或group(例如捉人入group果啲不明Group),同埋熱普城對呢件事無理攻擊會越嚟越多。一個真心支持BNO平權嘅人,係唔會作啲咁email聲稱去問啲歐盟國家(2009年有唔少玩過呢家嘢),更加唔會隨便攻擊BNO居歐權或有人運用自己嘅國籍權利移去他國,呢排簡直係鬼影幢幢,黎明之前嘅戰鬥往往係最黐線,呢點大家要注意。

發表迴響

你的電子郵件位址並不會被公開。 必要欄位標記為 *