CIA-min

入境處點解批背叛 CIA 間諜居留香港

美國司法部起訴前 CIA 情報人員李振成,洩漏資料俾中國,有一點,一直無乜人講,但好可能因此令美國真係狠下決定修改《美國-香港關係法》,就係李振成點樣可以居留香港,呢個問題, CIA 以至FBI一定十分之想知入境處當中嘅角色。

入境處究竟喺批准 CIA 叛諜居港扮演乜角色

李振成案,我依家比較有時間去睇番啲資料同報導,由一個研究戰略同入境法嘅人,我發現到有兩點,好明顯,香港政府喺 CIA 叛諜案上扮演重要角色:

  1. 首先,呢位 CIA 前特工,喺香港同一個叫Barry Cheung Kam-lun前警官合作開公司,呢位警官無理由唔知果條友係 CIA 前僱員,仲要合作開果間公司有嘢係得到國安擔保,呢位前警官,隨時已經係用警察包裝嘅中國國安人員。如果香港警察係已經係有國安人員混入其中,咁美國係堅無理由繼續同香港警方保持依家嘅合作關係,至少日後香港警察堅係唔駛旨意再派人去美國受訓,因為美國唔知究竟有無中國國安人員或公安受訓,咁仲得了。
  2. 另一個大問題係,點解呢位 CIA 前特工可以定居香港,美國估計係中國安排,如果係中國安排,咁香港入境處照北京柯打,放多幾多蛇蟲鼠蟻喺香港住?齋係呢一點,已經足以令美國一直都唔批VWP待遇俾香港特區護照,甚至令西方國家收緊對特區護照嘅入境待遇。你入境處原來幫中國收咁多蛇蟲鼠蟻,亦好明顯,入境處會發特區護照俾啲國安、公安周圍走,咁仲得了嘅,所以香港人要有定心理準備,本特區護照隨時會變成一本無乜太大作用嘅護照。

所以《美國-香港關係法》好大凍過水,香港人本特區護照都一樣,呢個亦係 BNO 平權突然加快時代背景,因為原有嘅BDTC-HK及其後代無法再享有英治年代嘅旅行便利,齋係呢點英國都需要補償番香港人,畢竟英國人都估唔到,中國可以濫用香港嘅地位同無視國際條約到呢個地步,呢個亦點解話,依家越嚟越清楚,幫中國做嘢嘅BC或BNO好大機會會被取消國籍。甚至澳門嘅葡籍人士,葡萄牙始終係英美盟國之一,有啲澳門人當年取得葡籍手法唔清唔楚,喺英美壓力下取消埋幫中國做嘢嘅葡籍人士國籍都唔會出奇,唔好講住喺英國。

發表迴響

你的電子郵件位址並不會被公開。 必要欄位標記為 *