BNO-居英-范徐麗泰

唔好搵啲三唔識七嘅友仔副署你嘅 BNO 申請

喺 Lord Ashdown 呼籲大家更新 BNO 後,我嘅集中力唔係對付啲五毛,因為啲五毛主要係想轉移視線,我嘅目標好簡單,谷高 BNO Renew嘅數字,只不過好多人都遇上一個問題:Countersign。如果系統要求 Countersign 點算。有一點,我要忠告各位,唔好搵啲三唔識七,甚至主動sell佢個副署身份嘅友仔副署你本 BNO ,否則好易出事。

搵個三唔識七友仔副署你 BNO 申請嘅危險

其實搵啲三唔識七友仔副署你 BNO 嘅危險係,一方面怕中共其實係喺度搜集緊你嘅情報,就算口話本土嘅友仔,好似熱普城咁都信唔過,但更大鑊係,如果英國知道你咁樣搵人副署,隨時有損日後你平權嘅機會同權益,呢個絕對得不償失。

搵副署人,首先唔一定要British Citizen,可以係任何BNO、BC或愛爾蘭籍人士,英國HMPO會check資料,而英國同愛爾蘭由於系統互通,所以英國有辦法查到愛爾蘭公民身份資料。而喺英國以外地區,可以搵EU或美籍人士副署。

另一個問題係副署人職業,其實唔一定要律師、會計師呢啲專業,根據英國依家現行指引,呢啲人都合符副署資料

  1. 有限公司董事
  2. 記者
  3. 立法會議員
  4. 區議員,有部分泛民區議員,如果你識佢,佢好樂意幫你countersign嘅
  5. 牧師或神父
  6. 郵差
  7. 工會幹事
  8. 太平紳士
  9. 銀行櫃員

所以副署呢項,無想像中咁難,如果你識美國公民或歐盟公民可以搵,例如澳門葡籍人士,最多要彩色影印佢成本passport比較重本同膠咗啲,但如果你申請地點唔喺英國,呢個做法係可以接受。

計埋昨日篇文,解決信用咭俾錢嘅問題,基本上,已經解決晒 BNO 更新申請嘅技術問題,依家再無理由唔去更新你本 BNO ,特別依家香港有咁多可以即刻申請到用嘅Debit Card解決俾錢問題。

當然你唔見Passport嘅話,勞煩你去一趟警局攞報失紙,再填LS01返英國駐港總領事館,之後再喺網上申請番 BNO 。有人唔知自己手上本舊護照係咪 BNO ,用封面大致判斷到

封面寫:BRITISH PASSPORT – HONG KONG = BDTC – HK
封面寫:BRITISH PASSPORT – United Kingdom of Great Britain and Northern Ireland = BNO
封面寫:EUROPEAN COMMUNITY – BRITISH PASSPORT – United Kingdom of Great Britain and Northern Ireland = BC

就係咁簡單,再唔用,send 你手上舊護照嘅相到我PM。

One thought on “唔好搵啲三唔識七嘅友仔副署你嘅 BNO 申請

  1. 黄生你好,好欣賞你寫D文章,有視野同見地,我一家人在97前都有BNO,現過期無去續,睇完你這文章,心思思想續,現BNO有乜嘢用途.謝謝

發表迴響

你的電子郵件位址並不會被公開。 必要欄位標記為 *