BNO-避風塘-min

BNO 平權與 Westminster Hall Debate

喺 Hong Kong Watch 公布完Lord Ashdown報告不久,英國國會下議院喺1月24日嘅 Westminster Hall Debate,將會辯論香港問題,而我相信呢個由保守黨議員Fiona Bruce主導嘅辯論,都係為 BNO 平權作基礎辯論。

Westminster Hall Debate 一般討論內政議題

Westminster Hall Debate 其實就係一般立法會所謂「無約束力議案」討論果部分嚟,只不過唔用個main Chamber舉行咁解,但要注意係,Westminster Hall Debate因為係議員千辛萬苦抽返嚟展示實力(大佬,下議院六百幾件議員,英國議會係唔會預備夠足夠座位俾議員坐,呢個傳統嚟),所以,一般唔會用Westminster Hall Debate嚟辯論外交議題,無人會做呢啲咁浪費彈藥嘅事,好多時都係討論NHS、交通呢啲問題,大佬,要搏選票,梗係用民生議題喇,你估香港泛民啲左膠咩,以為食西北風可以做議員,換言之,呢次英國係視香港民主議題,或者 BNO 議題係內政問題處理。縱使措辭上仍然係一堆外交詞令,但實際上,呢個係內政問題嘅處理手法。

所以對於一個相對熟悉英國政壇運作規律嘅人,我對果啲大中華膠仲講乜嘢英美信唔過,太過樂觀,乜乜物物簡直冒火三丈,如果啲人係社民連、工黨中人啲friend,我係立即ban人唔會客氣,如果照以往只係擺姿態,係唔駛搞唔多嘢,亦唔駛Lord Ashdown份香港行報告要搞到有Recommendations,更加唔好講執政黨議員嘅Westminster Hall Debate。Lord Ashdown幫Liberal Democrat攞完彩,就輪到保守黨表演。

我個人建議關注 BNO 平權嘅香港人,又啱啱喺倫敦嘅,應該旁聽呢場辯論,因為呢個代表香港人對 BNO 平權嘅關注。另外,如果有中國人或者親土共嘅香港人(不論國籍)出現嘅話,必須影低佢嘅相,可以嘅話可以交俾我,我都想知中國喺英國嘅情報網絡去到乜程度。

發表迴響

你的電子郵件位址並不會被公開。 必要欄位標記為 *