林鄭月娥-BNO

林鄭月娥 點解見到Hong Kong Watch 發晒癲

啲五毛講到Lord Ashdown好似過氣議員,只不過, 林鄭月娥 回應Hong Kong Watch嘅建議果陣完全係暴走格局,如果 Hong Kong Watch係啲五毛之前spin到咁削,點解 林鄭月娥 要成副共產黨女幹部嘅口脗回應。其實 林鄭月娥 咁回應,因為英國已經攞出實際可以用武器出嚟回應你班土共,而土共完全無符。

林鄭月娥 好清楚BNO可以用嚟做乜

Hong Kong Watch攞出嚟嘅武器其實十分之簡單,就係BNO平權,一個經過多年嚟各方人馬,包括我在內upgrade過嘅武器。 林鄭月娥 係最初有份搞 BNO果個人之一,所以佢絕對知道係乜嚟,亦知道包括我在內嘅友仔點upgrade呢件武器。當然,BNO無英國居留權,其實係《中英聯合聲明》英方備忘錄嘅君子聲明,你中國都唔做君子,點解英國人要冒一個不光榮撤退嘅危險繼續喺呢個問題上扮君子。而 林鄭月娥 知道依家英國用一個英國內政範圍內可以用嘅武器,中方除非照晒Hong Kong Watch要求去做,否則係stop唔到,咁中國根本唔會stop,所以至暴走到呢個樣出嚟。

當然,大家睇到依家啲五毛spin都改晒,依家啲五毛唔再講乜嘢過氣議員,再spin過氣議員, 林鄭月娥 就瘀到發黑,所以就不斷質疑,依家好大機會出現嘅平權方案:valid BNO 方案,我會喺收費版文章去分析呢個方案點解係咁做,都係果句,一大堆技術問題喺後面,只不過,依家valid BNO holder可以平權,大部分人衝埋去已經足夠收到英方要嘅效果,而且可以令英國人承擔應該呢個階段要找嘅法律負債,否則你都唔會見到啲五毛再加個 林鄭月娥 暴跳如雷。

所以有過BNO嘅人,係時候攞番你本護照,唔好等一堆衝上去果陣,server都hang埋有排都未攞到,因為我相信中國政府班友仔,會無賴到攻擊英國政府HMPO嘅Server,依家紅衛兵一代統治中國,完全無應有嘅國際觀,成班友思維方式退到去大清帝國義和拳之亂嘅年代,堅係乜嘢離奇古怪嘅事都會發生。

發表迴響

你的電子郵件位址並不會被公開。 必要欄位標記為 *