泛民初選-2-min

泛民初選 不如執咗佢

泛民初選 出奇地多人投票,但多人投票係唔係好事,又係唔係真係代表泛民嘅民意,我十分之懷疑,有兩件,我認為 泛民初選 其實可以執咗佢,因為成個 泛民初選 出現大量漏洞,由中共用錢嚟干預,到泛民大佬啲私心都有,簡直無眼睇。

泛民初選 與中共滲透

先講九龍西,九龍西馮檢基嘅接送車隊異常強大,簡直去到民建聯級數,我十分之懷疑,中聯辦撥咗一大筆錢俾馮檢基,呢啲係咪魔鬼聯盟嚟?如果馮檢基最後係代表泛民出戰,我真係覺得獨派可以另起爐灶出戰,唔駛理乜嘢初選結果,根本係中共造出嚟嘅結果,盲都睇到喇。如果馮檢基仲堅持自己無問題,咁係佢厚顏無恥,馮檢基同土共候選人無分別嘅,攬炒有乜所謂,你叫人含淚投票,齋係馮檢基咁贏法都已經含唔落喇。咁不如手上果張票,等值十四蚊港紙,俾堅係本土嘅人資源好過喇,我對馮檢基果種恃住共產黨支持做泛民嘅作為極度反感。

跟住新界東,乜原來仲有百分之十乜嘢泛民組織票㗎,咁范國威同張秀賢相爭,係咪郭永健係小圈子執死雞,咁你要我服氣,你無嘢嘛,都係果句,我認為范國威出嚟同郭永健攬炒都係合情合理,我睇唔到郭永健做同鄧家彪做有乜分別,咁我寧願范國威可以收十四蚊選舉資助。一個偏幫中國嘅工黨,其實同土共差唔多,呢點好清楚。

當然,有啲扮本土派嘅KOL,我都係一樣叫佢早抖,例如健吾。健吾呢個人有乜資格寸泛民,咁夠種,喺商台節目寸爆黃永呢啲仆街先,黃永呢條親共仆街,爭啲做咗林鄭月娥嘅新聞統籌專員,論仆街梗係寸咗呢條友先喇,打人都要講輕重嘛。健吾呢個人不知輕重,仲好意思一邊霸住大氣電波,一邊又要扮本土派KOL,你信呢啲人係本土,我真心懷疑閣下嘅政治判斷力大有問題。本土派其實一樣好多類似馮檢基嘅仆街,只不過好多人睇唔到呢啲友仔嘅精湛演技,所以我寧願歸英都好過獨立都係咁解,依家香港獨立,將權力交俾呢啲假本土之上,香港真係唔慌唔變shithole,有幾多殖民地獨立後所託非人,變咗shithole國家至得㗎,呢啲睇得歷史多都怕。

泛民初選 ,都係執咗佢吧。

發表迴響

你的電子郵件位址並不會被公開。 必要欄位標記為 *