萬豪-min

中國借台獨港獨問題對 萬豪 報復

中國近排玩紅衛兵式對付外資公司, 萬豪 酒店集團當香港同台灣係國家,即刻被中國政府玩嘢對付,達美航空都係。查實,呢啲台獨港獨問題係唔係政治,唔係囉,只不過中國用政治手法對付潛在商業對手,呢種做法就可能太過無賴。

萬豪 收購Starwood嘅副作用

大家仲記得,擁有Sheraton同W Hotel嘅Starwood集團,本來由中資公司買落嚟,但後嚟中途殺出個程咬金, 萬豪 酒店最終成功收購Starwood,呢次收購係中國啲土豪少咗走資機會兼無面,係去到2017年3月,海航集團至收購到希爾頓酒店集團嘅25%股權,變咗大股東,滿足咗中國人嘅虛榮心。雖然依家海航集團都按咗希爾頓啲股份俾銀行,只不過, 萬豪 真正傷害中國人嘅玻璃心,或者瓷器心,唔係當香港同台灣係國家,而係搶走中共官員嘅心頭好,而 萬豪 酒店集團點炒人都唔會救到自己,因為問題早喺2016年種下禍根,中國人根本唔係做生意,而係為面子同為啖氣,完全係匪夷所思到爆。

同樣,達美航空得罪人,唔係因為當 香港 同台灣係國家,好多航空公司,都要根據ICAO規矩當台灣同香港係國家,而係喺Skyteam合作上面,南航同達美航空關係唔多好,南方航空想加入Oneworld(反過嚟,國泰航空同Lufthansa越走越近,隨時Brexit後加入Star Alliances都唔奇,因為依家Star Alliances係Lufthansa主導,而且越嚟越多香港人同德、奧、瑞三國關係密切。),所以,邊度關港獨同台獨事,知道呢啲商業關係,就知呢啲中國人做生意嘅仆街嘢,就係明明係商業問題,但用政治方法解決,仲要係政治暴力,你估做中國生意果啲人唔知乜事咩。果啲五毛仲做啦啦隊,唔係收咗水,就係有人被人當咗免費勞工都唔知乜事嘅死傻仔囉。

所以歐美政府如果有一日要強硬對付中國,一定係得到商界支持,因為商界唔見得喺中國搵到錢,仲要得罪共產黨,隨時被中國政府搞到一鑊粥,唔搵番自己嘅政府報復又點得呢。

發表迴響

你的電子郵件位址並不會被公開。 必要欄位標記為 *