葉劉淑儀-min

葉劉淑儀 外遊show-off前請做吓功課

本來作為德語國家嘅居民,係唔歡迎 葉劉淑儀 呢個人過嚟,因為佢當年果句希特拉係民主選出嚟,係嚴重扭曲德國同奧地利嘅歷史。只不過,佢要嚟前奧匈帝國嘅地方,fine,如果佢喺奧匈帝國故土明白希特拉係點出嚟,真心悔改,無問題,可惜⋯⋯

葉劉淑儀 咪衝出嚟膠

我和女兒到訪當地,自然慕名而至。排隊時,有一位年青的匈牙利侍應走過來,問我們:「你們想不想快些入去呢?這兒樓上設有雅座,環境也清靜些,但要先付二十歐羅。」我們想了想,因時間關係,便答應他,跟他上雅座去了。

看到這裡,相信各位都猜到,這位侍應其實是在做私幫生意。他看見有亞洲遊客像呆頭鳥在門外排隊,便像釣泥鯭般釣他們上去雅座,私下收取那二十元的入場費,甚至可能與鋼琴師勾結,賺取賣CD收小費等額外收入。而亞洲人比較有錢,便成為他的目標。

首先,你 葉劉淑儀 身份係立法會議員,如果呢位待應正如佢講係私幫生意,係唔應該行賄,無錯,係行賄,喺歐盟國家玩行賄,我相信可以搵人走去報警都仲得,身為一個成個拉警察票嘅立法會議員,呢樣嘢係醜聞嚟,如果我走去同匈牙利政府或New York Cafe管理層講,我諗佢下次去歐遊應該有啲麻煩。

但鋼琴師係唔係另外收錢唔啱,未必,因為音樂演奏點計錢,你 葉劉淑儀 唔知唔好亂咁估。

同埋New York Cafe係有Online Reservation,同奧地利嘅餐廳做法相若,我喺維也納食Plachutta嘅Tafelspitz唔想排都訂檯喇,可以事前plan好行程訂檯,

http://www.newyorkcafe.hu/reservation.html

乜Online做功課咁難咩,駛鬼俾果廿歐羅。

葉劉淑儀 寫博物館,我簡直覺得,條友係唔係嚟睇畫㗎

首先,嚟得Kunsthistorisches Museum,就唔係講茜茜公主喇,Kunsthistorisches Museum係睇足一日都唔會夠,因為奧地利皇室買落大量文藝復興年代荷蘭、德國、法國、意大利大師畫作,我十二月返香港,經維也納轉機返德國,跟住聖誕假,因為德國各城市堅係死城(餐廳都無,你堅要食西北風),所以去咗維也納度聖誕(咁歐洲飛歐洲平嘅),啱啱好有Rubens展,唔係睇呢啲嘅咩。我已經係睇畫白痴,但估唔到希師奶比我更白痴。

當然維也納嘅藝術博物館多到嘔白泡,基本上,你係可以行到嘔收場,但係至少如果係研究藝術史,Kunsthistorisches Museum加The Leopard Museum加Succession Wien三個睇晒佢先喇,至少會明白今日紅色維也納(左膠到爆嘅維也納,一個大愛到周街hehe, sheshe紅綠燈嘅城市)點走出嚟,我都叫無去Succession Wien(時間唔夠),但加咗睇Sigmund Freud(佛洛伊德)故居(Berggasse 19, 1090, Wien),至少知道二次大戰前激進維也納成個脈絡。 葉劉淑儀 嘅奧地利遊記,我真係開咗眼界,膚淺嘅眼界。

當然講維也納,其實膠事錄膠總,或者林忌都比我熟,但 葉劉淑儀 嘅遊記,俾我睇到係膚淺,我只能借用佢舊上司董建華果句金句膚淺嚟形容呢個人。如果支持佢嘅新民黨係代表乜taste,真係不問可知。(我嘅維也納遊記,因為長文,我會移入Medium)

發表迴響

你的電子郵件位址並不會被公開。 必要欄位標記為 *