馮檢基

大家直接俾 馮檢基 退休就好

好少泛民政客,我十分之希望佢退休,仲要係立即退休果隻,只不過, 馮檢基 係一個極大嘅例外,九西初選如果佢輸咗,唔該佢立即退休去度假,唔好諗住執姚松炎DQ死雞,泛民搵第二啲年青人上都唔會俾 馮檢基 呢件過氣廢人上。

馮檢基 無戰鬥力至係問題

對南洋人嚟講,政客老唔係問題,最緊要有旺盛嘅戰鬥力,好似馬來西亞民主行動黨嘅林吉祥,佢七十六歲仲十分之打得,而且係越難打嘅仗佢越去,喺檳城隊冧咗民政黨班廢柴後,就將基礎交俾佢個仔林冠英,然後佢去霹靂怡保,跟住就去柔佛振林山挑巫統機,越難打嘅仗佢越要打,中場同前鋒都打得(最緊要有士哥),林吉祥係堅贏到波。相反, 馮檢基 話乜嘢入波靠前鋒,贏波靠中場,但佢贏過邊場波?我唔知佢贏過波嘅。

相反,呢件 馮檢基 嘅做嘢手法鬼味極濃,佢入過臨立會條數固然係未找過,而呢次, 馮檢基 初選都要出動旅遊巴接選民投票,呢啲手法咁似土共嘅,我想問, 馮檢基 租車嘅錢,由邊個星球爆出嚟俾佢?係X那星,定Y那星?佢呢種手法係令人十分之反感,一個無戰鬥嘅人,仲要霸住一個原本屬於獨派嘅議席,呢個亦係我對姚松炎十分之唔信任都好,我都寧願支持佢嘅原因,借泛民內部嘅人嚟清理好似 馮檢基 呢啲廢老,係相對有效嘅「拆大台」方法嚟。有啲過去有問題,而唔肯找數嘅人,係應該落台,唔係由得佢霸住個廁所,但乜都痾唔到出嚟, 馮檢基 如果要搵工,唔該佢自己諗辦法,香港民主運動唔係一份工嚟嘅。

當然,呢次補選,都要小心有啲假本土派(我開宗明義鬧呢啲人),竟然話要投土共,好似劉頴匡係其中一件,我唔排除喺Facebook逐個screen capture呢啲hihi示眾。大家要記住一點,每票係有十四蚊補貼,你投土共,就係送十四蚊俾共產黨,你傻㗎。特別係新界東,我唔見得范國威或者張秀賢有乜問題,相反,有啲假本土派係咁打范國威或張秀賢,好似劉頴匡同陳展浚呢啲人,呢啲友仔,我係當中國同路人嚟處理,佢地呢啲仆街,其實同入過臨立會嘅 馮檢基 根本係一X樣嘅。

發表迴響

你的電子郵件位址並不會被公開。 必要欄位標記為 *