Shithole-min

Trump 總統嘅 Shithole 論真係口臭到無朋友

如果講世界上最口臭嘅政客,本來呢項殊榮應該屬於我國外相 Boris Johnson,只不過, Trump 嘅口臭實力似乎越嚟越勁,先同金正恩小學雞鬥核彈掣大(定佢想鬥條J大咋),依家直接叫海地同非洲國家做 Shithole ,我真係只能講,Boris Johnson真係可以退位讓賢。或者要出Dennis Skinner MP同佢砌過至得(左翼最口臭一定係Dennis Skinner,無第二個)。

Shithole = 屎坑國家

雖然好多東亞國家都唔知點譯 Shithole 呢個英文字,但喺一向口臭上百無禁忌,口臭度甚至同歐洲睇齊嘅香港語,小兒科喇,屎坑兩個字,搞掂。甚至呢個 Shithole 可以用埋形容最近英國嘅內閣改組,用Night of the knives from the shithole,簡直港西合壁。(屎坑關刀之夜,屎坑關刀香港語歇後語係,聞又唔得,舞又唔得,你覺得果場內閣改組係點,我作英國保守黨員,我只能用無眼睇形容呢件事)。

無錯, Shithole 呢個字真係毒到無朋友,甚至嚴重歧視,海地呢啲國家確實係fail state,呢個亦係事實,好多有大量移民嘅國家,都係一啲fail state,亦即係失敗國家。當然國家失敗,有佢文化原因,正如同樣係歐盟國家,北歐同中歐係好好,但南歐果堆係膠到無朋友,呢個係有佢文化問題。所以有啲國家嘅移民,美國唔想要, Trump 用咗一個好政治唔正確嘅字去描述一啲事實出嚟。香港人,應該好明發生乜事。

但相對於香港,美國係可以喺防止移民或難民湧入上做多啲嘢,畢竟最有效減少移民或難民嘅方法,係打柒果啲獨裁國家,無錯,打柒果啲管唔掂嘅獨裁國家。例如敘利亞,我一直認為美國對俄係懦弱,如果唔係阿薩德條仆街,歐洲會搞到面對咁X多難民?如果利比亞卡達菲果個癲佬政權落台後,西方國家肯做多啲嘢,都未必搞到咁膠。所以要解決 Shithole 嘅問題,對大國嚟講,就係搵人修理個屎坑令佢唔好咁臭。

當然,香港嘅情況無計,係喎,果啲建設民主中國嘅左膠,好似杜振豪咁,唔快啲返上去搞掂佢?做人應該身體力行,唔好得個講字又要仇視本土派至得㗎。

發表迴響

你的電子郵件位址並不會被公開。 必要欄位標記為 *