鄭若驊-僭建

鄭若驊 仲做仲裁員:玩咩

鄭若驊 匆匆接任律政司司長一職,林鄭月娥罕見批准佢繼續任教中國清華大學嘅春季課程,以及喺香港國際仲裁中心擔任審裁員。佢教中國清華大學,我唔反對,呢啲兼職教職未必有損佢作為律政司司長嘅身份,但依家搞成咁, 鄭若驊 手上啲仲裁case係唔係應該清晒佢,保住香港國際仲裁中心嘅聲譽?

鄭若驊 依家憑乜做仲裁員

首先,大家要了解吓,要做香港國際仲裁中心嘅審裁員有乜條件先:

  1. 作為審裁員必須具備的實質的審裁員或仲裁員經驗;
  2. 修畢由香港國際仲裁中心舉行的為期1天的審裁培訓和評估課程;
  3. 與東亞地區有密切聯繫;
  4. 沒有被法院或紀律審裁庭裁定會令香港國際仲裁中心質疑其作為一名審裁員能力的不當行為罪名成立;
  5. 年齡在75歲以下。

無錯,大部分做審裁員或仲裁員都有外部職位,所以佢以律政司司長兼任審裁員,其實未必有大礙,畢竟仲裁case大部分都係兩個商家嘅合約糾紛,或者domain嘅糾紛,但係依家 鄭若驊 嘅指控已經涉及刑事,因為依家果個指控唔只係僭建,係《盜竊罪條例》第18條相關指控,縱使依家無被法院或紀律審裁庭裁定干犯有可能影響佢做審裁員能力嘅罪行,但如果日後罪成,或者佢依家處理緊嘅case,是但一方唔服攞嚟做文章上訴,要推翻仲裁決定,呢個對仲裁各方公平咩。仲裁得嘅case,唔會係細case,平均嘅法律費用係十幾萬美金計,即係啲生意,全部過百萬甚至千萬美金計,你依家 鄭若驊 可能被質疑佢嘅能力,你仲叫佢幫啲case埋尾,玩咩,呢個係對生意人十分之唔公平。

其實點解 鄭若驊 搵梁愛詩證婚,知道香港仲裁發展嘅嘢就知,中國國際仲裁中心個朵係臭晒,凡做中國生意,簽合約係搵中國國際仲裁中心都知實死無生,所以好多人搵香港國際仲裁中心做仲裁,而梁愛詩入咗呢個仲裁中心,大家都知共產黨想點,而 鄭若驊 好明顯喺仲裁界發展果陣被吸收咗,只不過,黐得共產黨又邊有好嘢呢。好多時,香港商界啲陋習一沾染咗就無回頭,所以一個法律同工程都精通嘅人,無錯,佢係罕見嘅人才,只不過,俾你班共產黨搞到變晒質呢。

發表迴響

你的電子郵件位址並不會被公開。 必要欄位標記為 *