泛民初選

泛民初選 嘅雷動策略

泛民初選,由於無雷動計劃,加上呢次又捲入無謂嘅左右膠之爭,以至一堆私怨,所以好難有一個好策略嘅討論,只不過,親共嘅香港研究協會,好詭異咁做咗民調出嚟。依家有民調可以用,我就不妨雷佢一雷,用數據嚟雷走啲膠人。

泛民初選 嘅棄保策略

我嘅棄保策略,首先有三點:

  1. 確保泛民有最大嘅勝算。
  2. 將一啲不必要嘅膠人轟走,例如馮檢基同郭永健
  3. 確保DQ後嘅人選有足夠戰鬥力,即係有必要有替代人選。

根據香港研究協會嘅數據,以及以上策略方針,我咁睇:

新界東:左膠全面出擊,郭永健都係得果12%支持,叫佢早抖,新東好清楚,只有本土陣營至有能力一戰,所以郭永健嘅支持者,可以依家考慮倒票俾范國威定張秀賢,唔好再聽一啲私怨大過天,撐過冚家富都唔悔過嘅老人家老點。如果我係郭永健,依家提早投降,仲有機會保住長毛果席果陣再戰嘅機會,再唔投降,佢未來幾年都唔駛玩,當然,左膠依家得罪晒張秀賢同范國威啲支持者,左膠未來喺新界東十分之難有運行。

九龍西:全面支持姚松炎,呢個階段無辦法,但由於姚松炎有被DQ危險,好明顯馮檢基條仆街係老共屬意嘅人,所以我建議姚松炎陣營提出替代人選,我都係果句,請鄺葆賢醫生出山,或者區諾軒作為替代出戰人選,徹底塞住馮檢基嘅執死雞之路。同埋要盡量將馮生嘅得票有咁低壓到咁低,否則就會有人執雞成功,十分之煩。民主黨啲飛,不妨倒晒落姚松炎到,確保姚松炎取得壓倒性勝利,依家阻止馮檢基偷雞成功,係十分之重要嘅任務。

香港島:都係果句,周庭係英國公民,佢退唔切英國公民身份就仆街,英國內政大臣係要冒極大政治風險,所以港島人可以投可以唔投,周庭應該提替代人選,以免任亮憲呢條賤人偷雞,我諗區諾軒如果唔出戰九龍西,香港眾志可以考慮endorse佢出戰港島,作為周庭嘅替代人選。而且周庭嘅領先margin喺呢個天龍區十分之唔夠大,劉細良喺城寨嘅分析係可以參考,任亮憲嘅ibanker身份,同埋辯才係可能喺港島KO周庭,甚至陳家珮,呢個危險性係客觀存在,不能不防。

發表迴響

你的電子郵件位址並不會被公開。 必要欄位標記為 *