鄭若驊-僭建

鄭若驊 咁行使文書仲駛做律政司司長

鄭若驊 僭建案,越揭越臭,僭建本身未必係嚴重刑事罪行,品格審查裡面講大話未必涉及刑事,但如果喺銀行按揭文件裡面,明知僭建又唔講,就十分之可能係刑事罪行,根本係要警方商業罪案調查科出嚟查,但依家 鄭若驊 可以做律政司司長,我真係唔知呢個係乜嘢道理嚟。

鄭若驊 根本係玩deception

根據香港法例第210章《盜竊罪條例》第18條

(1)任何人以欺騙手段(不論該欺騙手段是否唯一或主要誘因)而不誠實地為自己或另一人取得任何金錢利益,即屬犯罪,循公訴程序定罪後,可處監禁10年。
(2)視為為某人取得本條所指的金錢利益的情況如下 ——
(a)他獲得銀行或接受存款公司,或其主要業務是提供信貸的任何附屬公司給予 ——
(i)信貸服務或信貸安排;
(ii)改善或延展信貸服務或信貸安排的條款;或
(iii)帳戶上的貸項或債務抵銷,
不論任何該等信貸服務、信貸安排或帳戶 ——
(A)是以他的名義或另一人的名義開戶;或
(B)是否可依法強制執行;

乜嘢叫欺騙手段,就用番第17條嘅定義

欺騙手段 (deception)指就事實或法律而以語言文字或行為(不論是以任何作為或不作為)作出的任何欺騙手段(不論是蓄意或是罔顧後果),包括與過去、現在或將來有關的欺騙手段,以及與使用該欺騙手段的人或任何其他人的意圖有關的欺騙手段。

就講刑事案嘅Mens Rea而言,依家 鄭若驊

  1. 本身具有專業程度法律知識
  2. 本身具有專業程度工程知識
  3. 簽咗明知有僭建嘅必買條款
  4. 自己明知僭建存在,簽咗一份無申明僭建嘅按揭文件

仲要僭建尺數唔細,呢個唔係蓄意deception,都係罔顧後果嘅不作為,呢個係不誠實地為自己取得金錢利益,如果一般人搞成咁都大鑊到無朋友,依家係律政司司長做埋啲咁嘅嘢,你點叫我包容律政司司長,咁樣真係全香港人可以用忙為理由免俾牛肉乾都得,如果照葛珮帆假博士邏輯,Hidden Agendas犯法要拉要鎖咁重要,佔中三子「犯法」咁重要,唔快啲急傳朱經緯同暗角七警出獄,委派佢地做特務警察拉咗 鄭若驊 佢?

香港有無法治?我睇法治真係唔存在咗好耐。

One thought on “鄭若驊 咁行使文書仲駛做律政司司長

發表迴響

你的電子郵件位址並不會被公開。 必要欄位標記為 *