社會福利署-min

社會福利署 不如執咗佢

由於臨臨案,啲醫生對虐兒案警覺性高咗好多,只不過有一單虐兒案你簡直覺得 社會福利署 呢個部門,不如執咗佢吧,同陳方安生處理郭亞女事件果陣領導嘅 社會福利署 根本係兩回事,點解一個民生為本嘅政府部門,可以無能到呢個地步。

社會福利署 連寄養家長都監管唔好

依家呢單懷疑虐兒案,受害者係唔被繼母虐待,或者被精神失常嘅家長虐待,因為果啲社署有時鞭長莫及,呢次係社署委派嘅寄養家庭嘅家長,喺履行社署指派嘅任務期間虐兒喎,如果件事查明屬實,寄養家庭本身固然要被公眾嚴厲譴責,但 社會福利署 就更加有問題,點可能指派一個有問題嘅寄養家庭?究竟喺挑選寄養家庭果陣, 社會福利署 有無程序上嘅疏忽?甚至成個寄養家庭嘅遴選程序根本係胡鬧嘅。

依家 社會福利署 嘅做嘢手法令人十萬個唔放心,呢次玩出虐兒案出嚟,根本依家 社會福利署 果種甩漏多多嘅情況,會唔會搞到有孌童癖嘅友仔可以做寄養家庭,屆時就真係送羊入虎口。要寄養嘅細路,其實佢地嘅遭遇已經十分之慘情, 社會福利署 啲官仲要咁做嘢,我真係諗唔到除咗仆街之外,仲可以點形容依家社署嘅工作文化,香港啲公務員原來可以變得咁恐怖。

社會福利署 依家搞成咁,其實係香港政治腐敗嘅縮影,當香港搞政治嘅人只顧濫權,以及利用權力嚟搵銀果陣,民生相關服務嘅質素就會崩潰,由鉛水公屋到攞命社署,全部都係呢啲民生崩潰嘅縮影,所以要講民生必須要政治搞得掂,土共一味呃啲基層市民,一手派米,一手老屈提出問題嘅人係搞亂香港,啲香港基層咁蠢又走去信呢班仆街,結果香港搞到依家人唔似人,鬼唔似鬼,仲要傳媒連質疑嘅能力都無埋,我喺德國,一睇呢單寄養家庭虐兒案,已經諗到係系統出問題,但係香港啲記者,以至評論人去咗邊度,仲要我已經叫遲評論虐兒案。

有時一個系統嘅大崩壞,當政者固然要負大部分責任,但一般民眾,甚至部分只有私心或愚蠢嘅反對派,呢個共業佢地都有份。但由短期目標嚟講,唔該搵人重新審視成個 社會福利署 點運作,依家咁運作,我真係好懷疑香港人有事仲可唔可以靠社署。

發表迴響

你的電子郵件位址並不會被公開。 必要欄位標記為 *