生於亂世-min

生於亂世 呢啲熱普城page係咁搞fake news

雖然我好憎工黨,但熱普城果啲暗KOL(果啲永遠唔出真身果啲page)亂放fake news,做臭本土派嘅作為亦十分之乞人憎。而 生於亂世 亂屈職工盟喺海麗工潮度手腳唔乾淨,連罷工基金係點運作都唔知,係要出嚟公道啲丙佢地。

生於亂世 成日都發放fake news

海麗工潮係一個有啟動罷工基金嘅工潮,職工盟喺12月31日啟動罷工基金,每人每日$250,用簡單算術嚟計,果度都有一定金額喺度,就算喺歐美等國,工會每個月喺你人工扣會費果啲罷工基金,罷工完咗之後都要還,因為否則下鑊無子彈用,到時你真係罷條毛。所以海麗工潮,工人肯將未用完餘款俾職工盟罷工基金,係叫幫人之餘幫自己,你唔知下鑊班無良僱主又會唔會要搞到出罷工基金,呢個只係簡單工運常識, 生於亂世 呢啲page知啲唔知啲就亂講廿四,結果呢次咪瘀到爆。

生於亂世 亂嚟唔只一鑊,好似十字冰室導盲犬事件,唔俾導盲犬入嚟,話知你in-training定係無視障人士帶,都係唔啱,唔通導盲犬唔駛學習適應現實環境,但 生於亂世 竟然走去幫十字冰室,基本上,果鋪熱普城啲支持者都係十分之離譜企喺十字冰室果面,加上佢地政見都係企喺熱普城果種嘲笑泛民,但又唔肯出自己身份去講嘢(熱普城最興),所以呢個page我已經當係fake news處理,如果有人知道 生於亂世 嘅admin係乜水記得話我聽,呢啲友仔係必須為自己亂講嘅嘢負責,甚至我覺得果條友係五毛都一啲唔意外,畢竟中共玩慣呢啲見縫插針嘅技倆。

當然,泛民啲支持都咪on9,有啲以為熱普城仲係本土派,熱普城成班hihi支持永續基本法,點可能係本土派或獨派,佢地比泛民更支持民主回歸添,至於有啲人以為 生於亂世 係本民前搞又係錯晒,喺動保議題上面,本民前唔可能走去支持十字冰室呢啲茂利。好多大中華膠因私怨亂咁將熱普城啲仆街嘢入晒成個本土派數,然後想離間本土派同泛民其他派系嘅對話,呢啲友仔一樣好無恥。有啲聽D一舊(果一舊係乜你自己諗)聽到上腦嘅友仔,仲好撐郭永健㗎。我嘅回應係:有啲所謂評論人係老點緊你都唔知囉。

2 thoughts on “生於亂世 呢啲熱普城page係咁搞fake news

  1. 泛民都不是好人,生花(柳)台180108B的高達順風耳(:馬斐森臨別專訪,中聯辦經常聯絡提意見 / 大學赤化無法逃避 / 港大學生會「缺莊」),自我審查,不比放出,有人在FB提他們,幾天也不見他放回出來.

發表迴響

你的電子郵件位址並不會被公開。 必要欄位標記為 *