安樂工程-min

因為 安樂工程 嘅關係就夠炒咗鄭若驊有突

鄭若驊僭建事件,無意中爆出鄭若驊嘅老公,就係 安樂工程 老闆潘樂陶,喺昨日香港《蘋果日報》嘅評論裡面,我提出咗對鄭若驊嘅質疑,就係一旦政府同 安樂工程 打官司,律政司司長偏偏係 安樂工程 老闆嘅老婆,呢個衝突係點搞。我原文係咁:

果鄭若驊僭建事件沒有爆出來,沒有人知道原來鄭若驊丈夫是潘樂陶,亦即安樂工程的擁有人,而律政司司長是行政會議的必然成員,亦是政府的法律顧問。如果公眾根本不知鄭若驊是潘樂陶的妻子,那行政會議審議與安樂工程有關的基建項目時,鄭若驊沒有主動申報和避席的話,很可能有人作出有利安樂工程的建議而公眾懵然不知,這還可以談得上公平嗎?一旦政府與安樂工程之間有訴訟,律政司司長能否作出公平公正的決定?公眾現在一定十分之有疑問。

呢個疑問,鄭若驊係一定要答,無得唔答,只不過,得《立場新聞》,無錯,我一直好憎嘅《立場新聞》唔知點解有跟呢個問題,但內地及政制事務局嘅答案,完全可以用九唔搭八嚟形容,內地及政制事務局嘅答案係咁嘅。

政制及內地事務局則回覆稱,《守則》亦規定政治委任官員在執行公職時,如個人利益可能會影響,或被視為會影響他們的判斷,均須向行政長官報告。政治委任官員亦須避免處理有實際利益衝突或潛在利益衝突的個案。

同 安樂工程 嘅利益衝突夠炒有餘

執行公職果陣會唔會有個人利益影響,有啲係喺灰色地帶,但 安樂工程 嘅情況,一定唔係灰色地帶,都係果句,如果香港好似英國咁,Crown Prosecution Service(皇家檢控署),完全係一個政治中立嘅獨立機構,否則無人信你政府係唔會有利益衝突嘅,咁喺呢個情況,林鄭月娥為官多年,唔係夠炒有突咩?依家仲喺度護短,唔好講處理僭建問題上,林鄭月娥處理鄭若驊嘅做法,同處理唐英年嘅做法唔同,呢種無申報兼有明顯嘅利益衝突嘅做法,已經夠鄭若驊有突喇。

除非係咁,根本林鄭月娥有一鋪大茶飯要搵,所以不單明知鄭若驊同 安樂工程 關係密切都要搵佢做律政司司長,仲要大家依家明點解陳帆突然間做運房局局長囉。呢種Crony Capitalism核唔核突咗啲?

發表迴響

你的電子郵件位址並不會被公開。 必要欄位標記為 *