張秀賢-2

張秀賢 遇襲與圍標

泛民中人收到刀片恐嚇信唔係新聞,但好似 張秀賢 咁未做MP已經見紅就實屬罕見,好明顯 張秀賢 同朱凱迪MP狂打新界土地問題果陣一樣,因為篤中要害搞到招惹黑幫。但朱凱迪MP都未見紅, 張秀賢 就入咗廠。

張秀賢 遇襲反映泛民嘅無用

仲記得 張秀賢 大爆圍標黑幕果日,工黨不單厚顏無恥咁抄嘢,趙恩來仲有「法律風險」四個字幫班圍標佬解圍,反映到泛民好多時為民請命得個講字,扮到自己有幾抗爭,但一到果啲會威脅到自己安全嘅位,就變晒縮頭烏龜,最初朱凱迪MP贏盡掌聲都係因為佢堅做嘢,不顧安危,叫做真勇武。仲要大家唔好唔記得,今日 張秀賢 係要為佔中案上庭,我想問郭永健同支持佢果班左膠,唔計黃之鋒,羅冠聰,有邊個真係要坐監或要上庭,話番俾我聽。

張秀賢 遇襲案,反映物業管理呢個問題,涉及大量黑幕,除非好似林卓廷咁出身廉政公署,佢喺廉政公署大把朋友,由黑人物到官員個個怕咗佢嘅煞氣,否則真係要搵命搏,如果選個抄抄子,兼且不理輕重,將中國移民權益擺得俾香港更重要,為咗權位至話要扮本土,咁死得喇。香港啲業主立案法團有幾黑暗,其實好多人都知,我都要利申吓,我喺香港住果陣,都做過業主立案法團嘅委員,你估土共同法團之間嘅利益唔清唔楚嘅嘢第一日發生呀。

所以呢次泛民新東初選,工黨同埋香港獨立媒體做得特別核突,尤其係一個叫麥馬高同李嘉雯嘅記者,可以講係仆街組合,上次東華選區屈伍凱欣果個又係佢地兩個,今次硬屈 張秀賢 講同羅冠聰嘅關係嘅嘢,又係麥馬高同李嘉雯,呢兩位記者手法同文匯大公手法一樣,我呼籲各公司同政界友好,甚至公關大員拒絕呢兩個人嘅採訪,因為你唔知佢地兩個枝筆會點寫,我依家甚少接受香港傳媒訪問,都係怕咗記者果啲老屈手法,不過,麥馬高同李嘉雯無論你地轉到邊間傳媒做,我都唔接受你們訪問,因為呢種手法真係黑人物式手法。

如果你要選一個對黑勢力勇武嘅MP,選 張秀賢 好了,范國威以我了解都okay,郭永健同劉頴匡,早抖喇,鄧家彪呀,佢後面個工聯會都有份圍標,你投佢,傻的嗎?

發表迴響

你的電子郵件位址並不會被公開。 必要欄位標記為 *