鄭若驊-min

星期日休息: 鄭若驊 與禮崩樂壞

鄭若驊 一上任律政司司長就被人爆係僭建,仲要依家傳媒用埋Google Earth衛星照片篤爆佢講大話,連地政總署嘅航拍圖片都慳番,可以講係自唐生大地震以嚟最爆嘅事件,仲未計佢同潘樂陶嘅關係幾時開始,真係同唐英年當年果啲爆到無朋友嘅情節有得揮,TVB嘅溏心風暴收視不振梗係喇,日日報紙賣啲情節,爆過你編劇亂寫廿四嘅十幾倍喇。

鄭若驊 咁都可以上位反映啲乜

鄭若驊 案嘅案情,我諗我晏啲至分析,啲料爆晒出街果陣,我啱啱感冒病到五顏六色,而我有精神寫嘢果陣,好多資料都浮晒上水。只不過, 鄭若驊 咁都可以上位,可以反映到依家香港禮崩樂壞到乜嘢程度,以至香港政界高層根本視民意如無物,真係以為自己係路易十四,可以想點就點,想亂嚟就亂嚟。

鄭若驊 有無僭建,我相信林鄭月娥一定知,林鄭月娥當年做發展局局長果陣煮唐英年重米,儲晒啲黑材料一次過掟晒俾梁振英,梁振英至上到位,如果唔係俾西九管理局主席咁厚嘅大禮俾唐生,唐生想原諒林鄭月娥睇怕都幾難。一個知道佢提拔嘅人嘅黑材料嘅人,都可以咁都要提鄭若驊上位,一個講英文好過講中文,恐怕一上到北京就同成班友雞同鴨講嘅人,可以見到依家政府心存僥倖,同埋以為當公眾無到到乜程度,你班友嘈咁又點,反正你班香港人都唔會搞革命推翻我,就算乜嘢佔領運動,都係和理非非成咁,都唔會對林鄭月娥政權構成乜嘢衝擊。所以呢劑搞到一鑊泡都好,林鄭月娥一定會力保鄭若驊,反正香港人睇落唔會做到嘢令林鄭月娥難堪。雖然我知情嘅政治世界,林鄭月娥並無條件可以咁鬼老定。

心存僥倖固然係問題,另一個問題係,呢個反映香港社會變咗台灣近年最好睇膠霸電影《大佛普拉斯》嘅硬膠世界,原裝係有錢人係卡樂佛,無錢人喊台灣萬得佛,如果用香港語嚟解釋,有錢人用盡奇怪手法乜都得,平民百姓扭盡六壬搵番自己嘅生活就乜都唔得。屋宇署捉Hidden Agenda,捉工廈居民捉得咁X得閒,但有錢人繼續亂改工廈做住宅搵銀, 鄭若驊 僭建嘅空間仲大過平民百姓嘅劏房,呢啲唔係《大佛普拉斯》嘅膠世界,又係乜。甚至比台灣更唔公正,台灣仲有民主選舉,人民仲可以抗爭,香港有啲乜,一個乜撚都可以DQ嘅假選舉呀?係喎,近排伊朗搞緊抗爭,張翠容呢條仆街同埋最鍾意share佢啲垃圾嘅左膠去咗邊?消失咗?定返咗俄國避難咁呢?

其實由 鄭若驊 可以咁上位,如果《大佛普拉斯》果種官商勾結,基層受盡壓迫嘅世界叫離譜,咁香港一定離譜十倍或以上,只會比北京果個納粹世界好少少。大家可以諗吓, 鄭若驊 一條友已經係僭建,仲要佢老公係安樂工程嘅潘樂陶唔同全世界講,安樂工程攞幾多政府tender返嚟,一般公眾點諗依家香港政府會點瓜分香港人嘅公帑,呢啲嘢仲有乜公平可言。我真係懷疑成個林鄭月娥團隊,都係一堆不知所謂人物。

依家好多人都以為香港無咗抗爭力量,港大學生會都缺莊,甚至好似任亮憲、劉頴匡、郭永健呢啲仆街以為係佢地搵食嘅好時機,我唔係咁睇,依家我睇只係風暴前嘅平靜,一如通常打到十號風球一級風暴前,香港八號風球都會睇落好乾,兼且唔係咁大風啫,但真係風暴一嚟果陣就死得人多。依家香港情況其實類近,好多人仲以為個天仲好乾啫,或者未有雨啫,以為可以亂咁嚟都無事,我唔知咁睇,畢竟人心果種憤怒係會累積嘅,只要一件小事就可以即時整著晒。一如中環愛丁堡廣場除夕,有架由上水一間藥行老闆有嘅Benz亂泊廿四,阻住巴士前進,有年青要搞架車,爭啲真係搞到暴動,係警方快快推架Benz去一個夠巴士駛入去嘅位置至無事,呢件事係一個重要訊號,如果今年農曆新年旺角唔小心處理小販問題或大媽問題,我唔擔保年初一會唔會又嚟一次旺角磚頭亂飛。香港人嘅科學常識唔夠強,如果香港人嘅化學同科學常識有德國人嘅水平(夠玩電視台遊戲節目嘅水平),我恐怕香港一定膠到極點(我成日話歐洲人搞呢啲街頭騷動係專業地勇武,有佢嘅時代同社會背景)。

林鄭月娥應該會死攬 鄭若驊 ,因為佢無人,唔通由湯家驊做咩,屆時真係全香港嘩然,特別你知佢十一哥花名係乜意思果陣。但死攬都係死,因為香港已經爛透。

2 thoughts on “星期日休息: 鄭若驊 與禮崩樂壞

  1. 這些就叫做人以群分,物以類聚。中共依靠地痞流氓打土豪,分田地起家和贏得天下,自然也是要靠那些有奶便是娘的垃圾、人渣治理天下。林鄭、鄭若樺如果是高風亮節、道德高尚,視金錢名利如糞土,誓死保護一國兩制的正人君子,你以為中共還敢找她們嗎?對中央來說,越是貪婪,越是無恥之人,就越好控制,只要你為他們所用,你的人品人格如何都不是問題。大陸是禮崩樂壞、弱肉強食的叢林世界,香港與之融合、同化,這也是遲早的事。

發表迴響

你的電子郵件位址並不會被公開。 必要欄位標記為 *