入境處-min

入境處 憑乜理由唔回覆Benedict Rogers拒絕入境理由

Benedict Rogers 被禁嚟港事件,佢搵咗何謝韋律師事務所要求 入境處 回覆點解唔俾佢入嚟香港,但 入境處 竟然囂張到話入境條例第11條同18條已經賦予入境處權力唔俾人入境,所以可以唔駛俾理由。我唔係律師,都認為香港政府係黐線。

入境處 根本係濫用權力

無錯,《入境條例》第11條賦予入境事務主任禁止一個無right to land或居留權人士進入香港,但呢個權力唔係絕對,第11條嘅遣送權力係建基於第4條嘅訊問權力,而以下係第4條嘅全文

(1)就本條例而言,入境事務主任或入境事務助理員 ——
(a)除第(2)款另有規定外,可在任何人抵達香港或在香港入境時,或離開香港前,向該人作出訊問;如他有合理因由相信該人在香港非法入境,則可隨時向他作出訊問;
(b)如有合理因由相信某人違反或曾違反向其施加的逗留條件,或未得入境事務主任或入境事務助理員准許而留在香港因而違反第7(2)條的規定,則可隨時向他作出訊問, (由1987年第31號第4條修訂)

根據以上條文,得兩個情況, 入境處 可以唔俾人入境,而理直氣壯。第1個條件,係有人用非法方法入境,例如繞過入境關卡,或者,呢條友違反逗留條件,乜嘢情況下係違反逗留條例,呢樣嘢中國人最在行,就係攞住訪客簽證打工,或者逾期居留。好多雙程證人士,其實比Benedict Rogers更明顯會違反會逗留條件,點解 入境處 又俾呢啲茂利進入香港,呢啲搬龍門行為,已經將香港 入境處 水平搞到同澳門治安警察局班仆街一樣。

當然, 入境處 呢封信夠佢被人JR有突,只不過,呢個亦係我話點解香港人所謂永久居留權係唔穩妥嘅原因,因為人大常委依家鍾意點釋法就釋法,鍾意亂咁立法就立法,你覺得你嘅香港永久居民身份唔會突然消失,以我對中共嘅理解,一個經常攞國籍法嚟搬龍門嘅國家,佢話你有永久居民身份,係可以一個唔該消失,呢個係我呢廿年以嚟一直都有心理準備面對嘅事實。所以,我睇唔到有任何非特區護照持有人,佢嘅永久居民身份係穩陣,包括Oberservation上有寫有香港永久居留權嘅BNO。因為 入境處 已經龍門任搬,香港有法治?呢個係乜爛gag嚟。

發表迴響

你的電子郵件位址並不會被公開。 必要欄位標記為 *