劉頴匡-3-min

劉頴匡 趙恩來 陳展浚

我好少攞一堆賤人一次過鞭屍,不過呢次新界東補選,有部分牛鬼蛇神係有必要出嚟打,特別係 劉穎匡 ,呢條友係有合理理由相信佢同劉舒燕呢啲鎅票黨一樣,土共同路人,一個支持過啲人投土共嘅人,我並唔認為呢個人有任何資格代表本土。

劉頴匡 返去早抖喇

劉頴匡-3-min
劉頴匡-3-min

一個真本土或真獨派,但唔會叫人投土共一票,民主黨當然裡面實有鬼,但有唔少只係列寧講嘅有用的傻瓜,唔係殖民者代理人,但土共一定係殖民者代理人, 劉頴匡 講過呢啲嘢,甚至支持過熱普城,我點相信佢得梁頌恆或本民前endorse,我相信梁頌恆未傻到呢個地步。 劉頴匡 依家好明顯係劉舒燕一類鎅票黨,只不過佢無掛工黨嘅招牌咁解,但手法完全一樣。如果你唔認同范國威某啲言論,最多咪出嚟debate過或改為支持張秀賢,但支持土共? 劉頴匡 嘅言論係十分之有問題。唔好扮失憶。

跟住陳展浚,乜呢條鎅票黨好意思出嚟挑戰張秀賢同范國威,呢條友先攞住學民思潮個朵招搖撞騙,跟住又喺區議會選舉玩鎅票,依家又出嚟,呢啲政治神棍,同任亮憲一樣咁面目可憎,當年黃之鋒決定將你逐出學民思潮,一定唔係意見唔同咁簡單,呢條友真係未爭在做埋入林鄭月娥助選團呢啲核突嘢咁解,呢條友仲好意思出嚟蒲頭,真係無眼睇。

最後係趙恩來,趙恩來點解要衝出嚟幫置佳辯護,除咗因為要幫郭永健打擊張秀賢,仲有一樣嘢,係置佳其中一位董事吳為祺,都係愉景新城嘅選民,而愉景新城,正係趙恩來長期經營嘅選區,包括當年喺新民黨幫田北辰打天下。

趙恩來-置佳
趙恩來-置佳

工黨班左膠咁鍾意玩人格謀殺,如果我用同一邏輯,係唔係為咗保住自己啲地區支持,不惜要打擊張秀賢,甚至工黨係唔係信得過係代表反圍標嘅事,我都十分之懷疑,如果講juicy值得記者懷疑,如果記者唔係受中聯辦指揮,係唔係應該搞清楚趙恩來同置佳啲關係,多過張秀賢嘅調查結果,更何況張秀賢啲調查結果好多係基於查冊結果或可以喺Google搵到嘅公開資料。而工黨嘅黨格嚟講,長期經營愉景新城,就更加不解,民主黨或公民黨仲話有少少道理。

呢次選舉我睇到太多泛民內部核突人同事,其實真心為民主嘅人,並唔係太多。

發表迴響

你的電子郵件位址並不會被公開。 必要欄位標記為 *