TPP-min

UK, TPP, BNO

今日有單怪聞,聽起嚟匪夷所思,睇落無乜可能,但其實呢單嘢同 BNO 甚至香港歸英論息息相關。就係英國脫歐之後,英國加入 TPP 。

BNO係英國加入 TPP 入場券

理論上,好似 TPP 一類貿易盟約,你必須地理上身處相關地區至可以簽,好似智利、美國可以簽 TPP ,因為 TPP 係 Trans-Pacific,咁任何國家喺太平洋上領土都可以簽,甚至成個歐盟都可以簽 TPP ,只要將法國喺太平洋嘅領土劃入歐盟範圍就可以。但自1997年7月1日後,英國喺太平洋地區並無任何領土,咁智力遊戲嚟,英國憑乜入 TPP ,班BREXITER想吹水都唔係咁吹㗎。

咁你就錯,如果你地理上唔屬於某大陸,或大部分地區唔屬於某大陸,但果啲人同某大陸關係密切,都可以某個貿易盟約成員。最典型例如係塞浦路斯,其實塞浦路斯係計入亞洲,只不過,塞浦路斯傳統文化上同歐洲關係密切,所以可以入歐盟,一如以色列一直以嚟都係一個潛在歐盟成員,而好多以色列人係同歐盟國家有淵源。

好喇,當你知道點解塞浦路斯可以入歐盟,咁你都會明點解英國有資格入 TPP ,英國仍然有三百幾萬國民喺一個叫香港嘅城市,再加一百幾萬國民喺檳城同馬六甲兩個城市,但由於相信馬來西亞有解體危機,同埋大馬一解體,相信當地英籍人士,大部分係華人同印度裔人會要番自己國家國籍,所以實際係三百幾萬 BNO 令英國有 TPP 入場券,如果英國需要 TPP 入場券確保自己嘅前途,咁平權會有可能平得好慷慨,反正中國唔會入 TPP ,甚至香港歸英係有必要,因為英國需要一個地理上位處太平洋嘅城市去確保自己喺 TPP 嘅話事權同商業利益。

所以馬雲控制嘅南華早報,有篇英國人寫文章恥笑歸英論,我呢位住喺德國嘅華裔英國人奉勸依家留喺南華早報嘅英國人,MI5並唔係傻,收錢幫中國公司或中國政府做嘢,英國政府唔會真係乜都唔知,依家呢班友仲衰過入咗中國籍嘅英裔警官。有啲英裔警官佢地入中國籍我都理解,畢竟當中唔少喺英國學歷唔高,佢地退役後返到英國都唔知做乜。

One thought on “UK, TPP, BNO

發表迴響

你的電子郵件位址並不會被公開。 必要欄位標記為 *