葉國謙-min

葉國謙 以為自己係皇帝特權用上癮

港賊 葉國謙 最近坐國泰由特拉維夫返港,想用VIP通道入境,被人發現然後被鬧爆,凌晨三點咁少人,唔好話e道,用counter入境隨時快過e道喇,我呢啲counter入境用家係十分之清楚明白嘅。 葉國謙 呢次只能講用特權用上癮斷正。

葉國謙 只不過想show自己幾有權

一般嚟講,如果要自己同家屬快入境,最快過打針嘅方法,係成日出去公幹嘅人都可以申請,不分國籍,叫APEC Travel Card,例如 葉國謙 有間公司成日要買賣嘢嘅,就可以申請一張五年期 APEC Travel Card,除咗台灣同中國,香港發出嘅持咭人,去日本、美國、加拿大甚至俄國都行特快通道,如果你持BC/BNO,除咗中國,幾乎你係全地球大部分主要國家通殺咁滯,例如BC可以免簽入美兼用特快通道。而五年期嘅旅遊證,都係四百九十蚊一年,而且部分麻煩國家嘅簽證問題,例如俄國等,一併KO,抵到唔恨,唔駛一定攞特區護照都可以出入俄國。以前入境處啲官員大力推薦我用呢張卡,我自己因經商生意用過,十分之好用。如果 葉國謙 唔知呢樣嘢,我真係唔知葉生平日做啲乜嘞。

所以喺n咁多個方法可以解決入境問題下,喺非繁忙時間都要用貴賓通道入境,一係同 葉國謙 一齊入境香港嘅人唔見得光,所以要用貴賓通道入境,一如佢要喺人地面前顯示自己有幾有權有勢,所以就打搞香港機場啲職員,半夜三更入境都要搞啲咁嘅大龍鳳,呢啲嘢真係沒有最核突,只有更核突。講真,如果 葉國謙 咁急入lounge休息,果個鐘數都快過打針喇(如果佢坐商務客位)

所以 葉國謙 點樣解籤,都解唔到點解佢要喺香港機場show特權,佢覺得佢自己可以同梁振英咁高咁大。呢啲反映係土共果種自卑,其實除非你要喺英國機場或歐洲一啲繁忙機場過Non-EU關,否則其實依家香港機場入境已經係快過打針果隻款,甚至e-道因為依家香港嘅智能卡讀卡太慢,所以至搞到咁慢吞吞,真係俾啲護照RFID讀上去反而無咁嬲。依家 葉國謙 唔係要死撐,係要道歉囉,同埋習近平應該留意呢啲腐敗嘅共產黨員。

發表迴響

你的電子郵件位址並不會被公開。 必要欄位標記為 *