補選-min

元旦休息: 補選 之戰:沒有勝利就沒有生存

大家都知,好多次 補選 都有我戰略分析嘅腳毛,最經典係2007年兩太之戰,當年馬力嘅遺缺,由小弟提出Plan B 陳方安生強陣出擊(Plan A係司徒華),但果年提出最具戰略合理性嘅方案,當年黃毓民喺度阻住地球轉,無喇喇要搵勞永樂醫生出嚟,結果大家都知,當年變成咗史大林格勒式巷戰。去到最後關頭,連我自己都要打埋一份。

寸土必爭下嘅 補選

作為一個戰術人,我對 補選 果種戰略著緊,係因為依家不公嘅選舉制度下,泛民係寸土必爭,一席不可少,但泛民果種叫人含X投票嘅行為係令人反胃兼且流失支持者,所以我一向係以我國首相邱吉爾喺1940年5月13日國會下議院以下演說作依歸

You ask, what is our policy? I will say: It is to wage war, by sea, land and air, with all our might and with all the strength that God can give us; to wage war against a monstrous tyranny, never surpassed in the dark and lamentable catalogue of human crime. That is our policy. You ask, what is our aim? I can answer in one word: Victory. Victory at all costs—Victory in spite of all terror—Victory, however long and hard the road may be, for without victory there is no survival.

邱吉爾嘅金句,真係好難再濃縮,但用香港話講係

  1. 用盡上帝給予我們所有優勢
  2. 唔會畏懼任何罄竹難書嘅恐怖手段
  3. 要生存必須勝利,因此勝利不計任何代價

所以喺呢個原則下,唔好學法國第四共和國啲膠人,納粹黨打到臨頭仲鬥嚟鬥去,甚至戴高樂領導自由法國期間都有一堆膠人想搞佢。我只考慮一樣嘢,如何攞到選票而勝利,果啲私怨黨、收老共錢鎅票黨、左膠黨同我行開,佢地嚟派膠我就毫不猶疑發炮還擊,喺兩太之戰所謂「泛民初選」果陣,我都開火還擊攞十成按揭大做文章嘅仆街黃覺岸,以及一眾黃毓民教眾,你覺得我依家要驚弱好多嘅仇思達黨,甚至李永達呢類老屎忽?

返到 補選 ,上帝俾泛民優勢係乜,新界東好簡單,泛民同本土共同接受嘅人,所以張秀賢同范國威我認為戰略上都無問題,當然張秀賢同范國威除咗係君子之爭,日後係可以共同合作,做大新民主同盟,甚至將新民主同盟同本民前有一個整合。所以,郭永健由邊個石頭爆出嚟,我好想知,請左膠話俾我聽,呢條友有乜戰略合理性,無嘅話就唔該班左膠慳啲,返去早抖喇。

港島區,我傾向支持香港眾志嘅人,呢個有戰略道德問題,本土派唔興玩左膠果隻打劫,但我以一個英國人嘅身份,都係反對周庭退出英國公民身份出戰,周庭應該係司法覆核依家對外籍人士絕唔公平嘅參政限制,唔應走去退出英國公民身份,香港眾志派其他人出戰都okay。周庭專注做番外交工作好。

九西區,一係區諾軒,另一個左膠無理由反對嘅人(咁都反對,我唔知仲有乜point,姚松炎打港島反而仲有少少道理),但最佳人選,我仍然係果句,鄺葆賢醫生係最好人選。相信好多人,都想睇鄺葆賢醫生喺立法會問政。

如果呢次左膠唔係咁核突,其實新東長毛留低果席,可以考慮由郭永健坐番,都係果句,左膠嘅議席俾番左膠坐,呢個係政治倫理問題,同樣,九西劉小麗果席,佢自己要攞番,無問題。但依家郭永健同左膠搞到核突成咁,九西如果鄺葆賢、區諾軒兩個上晒,可能仲有益有建設性,至少新東,其實就算呢次范國威做唔到候選人,下次都要俾番范國威,一方面左膠自己食相難睇,勝之不武,另一方面,范國威上屆選舉輸咗,係因為一件叫冚家富嘅仆街,而民主黨有部分人,以至有部分某位鄭姓人士關係密切嘅人馬,都有份支持冚家富當年嘅鎅票行為,其實民主黨係應該道義上賠番范國威嘅「損失」,依家李永達嘅作為,反映呢條友同李華明、馮煒光呢啲都係有得揮。

One thought on “元旦休息: 補選 之戰:沒有勝利就沒有生存

發表迴響

你的電子郵件位址並不會被公開。 必要欄位標記為 *