BREXIT-煞停-min

BREXIT 可能要煞停

英國國會下議院禮拜三辯論 BREXIT 法案其中一個關鍵修訂案,任何 BREXIT 嘅最終決議都要得到國會最終批准,呢個修訂案 309 票贊成下,僅以四票險勝,但 Theresa May 就無端端受到留歐派嘅緊箍咒影響,甚至我懷疑最終只會有假 BREXIT 甚至被煞停。

疑歐派 BREXIT 一事上得個講字

BREXIT 搞出連串技術上嘅大頭佛,仲未計影響英美之間嘅關係,但疑歐派係非理性嘅憎恨歐洲, BREXIT 後英國有乜vision可以取代同EU合作?而Freedom of movement, Irish border 兩座大山,呢班疑歐派一直無任何可行方案提出嚟,唔好話Nigel Farage呢件人渣,係連Boris Johnson都提唔到一個實質方案,你話保守黨留歐派點可能唔同反對派合作,千方百計要將呢場鬧劇拉倒為止,至少我認為,依家 BREXIT 係好難過到關,甚至最終所謂 BREXIT ,只不過係假 BREXIT ,你覺得果班無晒理性嘅疑歐派會收貨?咪玩喇。

所以我估疑歐派班粉腸,為咗確保自己果個版本 BREXIT 可以過關,可能千方百計推冧Maybot個政府,搏重新大選賭一鋪,如果重新大選係疑歐派過半,就可以監粗過一啲無理性嘅 BREXIT 法案,但如果重新大選,我睇唔到疑歐派可以攞到國會過半嘅可能性,甚至結果係真係煞停咗 BREXIT ,因為一旦親歐派聯盟成功取得政權,一定會煞停 BREXIT ,甚至加強同歐洲嘅整合,積極參與歐洲事務,甚至鼓勵國民向歐洲走,費時再有人提 BREXIT 呢場鬧劇。因為 BREXIT 成件事,已經係越嚟越唔知道邊度嚟嘅理據,朋友,依家係脫歐,唔係脫毛。脫毛可以去superdrug買枝脫毛膏搞掂佢啫。呢鋪真係脫條毛。

對於部分保守黨政客嚟講,煞停 BREXIT 可能只不過要一個下台階,防範俄國係,要維持美國經貿關係都係,只不過,Maybot需要一個佢嘅福克蘭群島,去穩固佢嘅權威,以及未來一段時間嘅管治,問題係邊個嚟個屬於Maybot嘅福克蘭群島,其實唔會有太多選擇。

發表迴響

你的電子郵件位址並不會被公開。 必要欄位標記為 *