周庭-min

周庭 放棄British Citizen參選立法會未必合適

港島區補選在即,由香港眾志派代表出戰幾懸念,雖然英國一般都好容易批出放棄英籍申請俾泛民或土共政客以便出戰立法會,但 周庭 嘅申請,英國內政部似乎比較難批。唔係因為 周庭 有taxation問題,而係一旦有乜安全問題,英國政府孭唔起飛。

周庭 一旦放棄BC後出事無人孭呢隻鑊

喺遮打革命中, 周庭 依家無被拉,大家都知原因,因為佢係British Citizen,一旦被人拉咗真係煩到抽筋。佢同以往放棄British Citizen嘅申請唔同係,一般嚟講,根據英國內政部政策,如果你唔會stateless,而你個申請可以幫到你嘅career,係會批出退籍申請。但依家係, 周庭 隨時又因啲奇怪理由當選後被DQ,因為中國根本打茅波,而一旦 周庭 得個特區護照,佢處境變咗黃之鋒咁,英國無法理依據幫手,屆時內政大臣唔被人鬧爆就出奇。呢啲有潛在安全危險嘅案例,英國政府可以唔批退籍申請,特別佢明顯係BN(HK)A 1990嘅英籍,呢款英籍本來嘅目的係保護香港人,雖然好似周融呢啲仆街應該剝咗佢本英國公民護照,但 周庭 嘅情況,佢保持英籍係立法嘅原意嚟,所以,內政大臣一定要再三考量批唔批呢個申請,如果俾我係內政大臣,雖然日後佢有酌情權恢復 周庭 嘅英國公民身份,但為免麻煩,亦可以唔批出嚟。

喺依家呢個牙煙到爆嘅時期,其實羅冠聰女友代男友出征,大家唔會反對,呢個做法民進黨喺台灣玩過n次,包括陳水扁本人在內,呢啲特殊時勢,有外籍嘅香港眾志成員,應該保留外國國籍,甚至要甩咗個中國國籍佢,以便香港眾志喺海外進行外交工作,呢種分工觀念,其實係十分之重要,一如台獨陣營一直有人有保留美籍,係以便進行喺美國嘅工作一樣。

而 周庭 嘅情況,應該善用佢嘅British Citizen身份,喺英國、歐洲同日本大搞外交工作,特別佢喺依家仍然係European Citizen,佢出手喺歐洲做外交工作好過喇,立法會呢啲衝鋒陷陣嘅嘢,未必係最適合佢本人,以及香港眾志嘅長遠利益。有啲嘢,唔可以得個勇字。

發表迴響

你的電子郵件位址並不會被公開。 必要欄位標記為 *