特區護照-min

關於 特區護照 嘅ICAO Code問題

幾個月前我討論過歐盟個資料庫將 特區護照 劃入中國護照嘅問題,呢個問題我點解攞出嚟討論,因為我作為一個歐洲居民,我係遇過有人因持 特區護照 喺關卡遭留難再加上歐盟資料庫問題至攞出嚟討論,但喺西藏拉薩開咖啡館嘅薯伯伯喺gotrip呢個content farm話我,我作為方丈一定要出嚟。

特區護照 根本可以保留自己國家碼

喺英治年代,各國唔會分錯BDTC-HK同BC,因為BDTC-HK國家碼係HKG,而國籍碼係GBD,根本無乜可能分錯,就算喺歐盟資料庫,大部分英國海外屬地嘅護照都唔劃入英國裡面,所以佢地要分Non-EU定EU甚少死錯人。當然,依家歐盟都缺乏法理依據唔俾BOTC入嚟,因為BOTC絕大部分都係暗BC,呢個後話。

如果中國政府有心保障 特區護照 唔會有問題,將國家碼保留HKG,或者國家碼係CHN,但國籍碼係HKS(HK SAR)咁咪解決問題,但中國政府唔做,依家越嚟越依靠電腦處理出入境嘅年代,呢個就係製造問題。而且歐盟如果唔係當咗香港係中國咁處理,佢大可以特別劃出嚟處理,但依家唔係囉。呢個問題係香港人應該擔心,但薯伯伯咁樣攞嚟大做文章,我只能咁講,佢用一篇文,去證實咗我咁多年以嚟對呢個人嘅不信任,只不過依家有人現咗形。

除咗佢篇文無厘頭打我而我不得不出手外,我對佢嘅唔信,其實由佢長期喺西藏已經話俾我聽,西藏係一個好特殊嘅地方,一個香港人可以長期居留西藏,如果唔係共產黨對佢有一定信任,佢可以開到coffee shop,仲係人民大學出版社幫佢出書,我唔係好信。佢可以呃到一般香港人,但我畢竟我係一個研究中共黨史嘅人,以中國對西藏嘅高壓統治,香港人無共產黨嘅信任,唔會無喇喇旅旅吓行就俾你喺拉薩開間coffee shop囉。

仲要gotrip呢個content farm係屬於乜嘢人嘅呢,新傳媒係中國恆大集團,有啲嘢唔駛我畫公仔畫出腸嘛。有啲人,共產黨可以留你十幾年唔駛出手,但關鍵時候,就會現形,喺依家呢段時間,我睇到有人露出本相。

發表迴響

你的電子郵件位址並不會被公開。 必要欄位標記為 *